2 SAMUELI 4:5 - Biblia Ilagho Jiboie Kwa Wandu Wose

⁵ Niko wana wa Rimoni, uja M'beerothi, weke Rekabu na Baana wikafuma wikaghenda hata luma lwa dime ghadi, wikacha nyumbenyi kwa Ishboshethi ukihoresha.

2 SAMUELI 4:5 ပူးပေါင်းရင်းမြစ်များ

2 SAMUELI 11:2

Ituku jimu luma lwa kenyi, Daudi ukawuka kufuma wulinyi kwake, ukakaia ukisela-sela aighu ya dari ya ngome yake. Nao ukisela aighu darinyi, ukammbona muka umu ukikuoghosha; muka uo orekoghe ughokie nandighi.

2 SAMUELI 2:8

Abneri mwana wa Neri, m'baa wa majeshi gha Sauli, oremdwaeghe mwana wa Sauli Ishboshethi ukamreda aja Mahanaimu,

2 SAMUELI 4:2

Uo mwana wa Sauli orekoghe na wandu wawi, awo werekoghe wabaa wa majeshi ghake; irina ja umu orewangwagha Baana na uja wa kawi orewangwagha Rekabu; nawo ni wana wa Rimoni mundu wa kivalwa cha Benjamini ufumie Beerothi: (kwa kukaia muzi ghwa Beerothi ghoretaliloghe kukaia muzi ghumu ghwa kivalwa cha Benjamini;

1 WAZURI 16:9

Zimri, umu wa wabaa wake wa Serikali, uo orekoghe mzighaniri wa magare ghake, ukabonya sheshe aighu yake. Nao iji Ela orekoghe Tirza, ukinywa chofi nyumbenyi kwa Arza mzighaniri wa ngome ya mzuri.

2 MALAGHO GHA NGELO 24:25

Hata iji Wasiria waghenda, wikamsigha Joashi washoghonolwa nandighi. Wikam'bwagha uko wulinyi kwake, angu orem'bwaghieghe mwana wa mkohani Jehoiada. Kwa huwo ukafwa, nawo wikamrika mzinyi kwa Daudi; ela ndeweremrikieghe andenyi ya makaburi gha wazuri anduangi.

2 MALAGHO GHA NGELO 25:27

Kufuma Amazia wasigha kumnugha BWANA, wandu weremdedieghe njama Jerusalemu, nao ukakimbia cha Lakishi. Ela wandu wikadumwa wimnughe cha Lakishi, nawo wikaghenda wikam'bwaghia aho.

2 MALAGHO GHA NGELO 33:24

Wanjama wake wikam'bonya njama; wikam'bwagha nyumbenyi kwake.