2 SAMUELI 4:4 - Biblia Ilagho Jiboie Kwa Wandu Wose

⁴ Jonathani mwana wa Sauli orekoghe na mwana wa womi uko na maghu ghikelemere. Orekoghe mwana wa irika ja miaka misanu, ingelo malagho gha Sauli na Jonathani ghereredeloghe kufuma Jezreeli, Mreri wake ukamduka ukakimbia. Ela iji orekoghe ukikimbia na iseghe, uo mwana ukapotoka ukashoghonoka na kuwuya mkelemeri; na irina ja uo mwana ni Mefiboshethi.

2 SAMUELI 4:4 ပူးပေါင်းရင်းမြစ်များ

2 SAMUELI 21:7

Ela mzuri ukamkira Mefiboshethi mwana wa Jonathani, nao ni wawae Sauli; kwa kukaia orebonyereghe ighemi na Jonathani mwana wa Sauli imbiri ya BWANA.

2 SAMUELI 9:13

Niko Mefiboshethi ukakaia Jerusalemu, ukadua ukija vindo mezenyi kwa mzuri matuku ghose; nao orekoghe mkelemeri wa maghu ghake ghose.

2 SAMUELI 9:3

Mzuri ukamkotia, “Ndekuwadie mndungi wa kivalwa cha Sauli, usigharikie, nipate kum'bonyera mecha seji nerelaghirieghe kwa Mlungu?” Siba ukamzera mzuri, “Oko mwana umweri wa Jonathani usigharikie, nao ookelemia maghu.”

2 SAMUELI 9:6

Mefiboshethi mwana wa Jonathani, wawae Sauli ukacha kwa Daudi; ukaghwa kiwushu-wushu kwa ishima imbiri ya Daudi. Daudi ukammbanga, “Mefiboshethi!” Ukadika, “Neko aeni mdumiki wako.”

1 WAZURI 11:17

Ela Hadadi uko mwana mtini chiaimweri na wadumiki wamu wa ndee, werekimbirieghe cha Misri.

1 MALAGHO GHA NGELO 8:34

Mwana wa Jonathani orekoghe Merib-baali, na uo oremvaeghe Mika.

1 MALAGHO GHA NGELO 9:40

Mwana wa Jonathani Merib-baali, uo oremvaeghe Mika.

1 SAMUELI 29:1

Nao Wafilisti wikakwanya majeshi ghawo aja Afeki; na Waisraeli wikabonya kambi aja ndorienyi iko Vololo ya Jezreeli.

1 SAMUELI 29:11

Niko Daudi ukawuka chiaimweri na wandu wake wikawuka nakesho kokio, wikawuya cha isanga ja Wafilisti. Ela Wafilisti wikajoka cha Jezreeli.