2 SAMUELI 4:12 - Biblia Ilagho Jiboie Kwa Wandu Wose

¹² Nao Daudi ukafunya momu wandu wake wa irika wiwibwaghe. Nawo wikawibwagha na kudumbua mikonu yawo na maghu ghawo; wikawiwanika mbai na mbai ya ndiwa ya Hebroni. Ela wikachiwada chongo cha Ishboshethi na kuchirika andenyi ya kaburi ya Abneri aja Hebroni.

2 SAMUELI 4:12 ပူးပေါင်းရင်းမြစ်များ

2 SAMUELI 1:15

Niko Daudi ukammbanga umu wa wadawana ukamzera, “Bwagha umundu.” Nao ukamkaba na kum'bwagha.

2 SAMUELI 16:8

BWANA walipa kisasi aighu yako kwa wundu ghwa bagha kuidirie ya wandu wa kinyumba cha Sauli uo kungirie kubonye nguma, wulalo ghwake; na idana BWANA waghufunya wuzuri kwako na kughuneka mwana wako Absalomu. Wuwiwi ghwako ghodia bagha ghwakunona kumoni.”

2 SAMUELI 2:8

Abneri mwana wa Neri, m'baa wa majeshi gha Sauli, oremdwaeghe mwana wa Sauli Ishboshethi ukamreda aja Mahanaimu,

2 SAMUELI 21:9

ukawifunya kwa wandu wa Gibeoni wipate kutoteshwa, nawo wikawinyonyoresha mdinyi aighu mghondinyi imbiri ya BWANA, na wose mfungade wikafwa chiaimweri. Werebwaghiloghe matuku gha imbiri gha kuzoya kwa makuwido gha shairi.

2 SAMUELI 3:32

Wikamrika Abneri aja Hebroni, Daudi ukawoka kulila aja kaburinyi kwa lwaka lubaa, na wandu wose wikalila.

ZABURI 55:23

Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.

MATHAYO 7:2

angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.