2 SAMUELI 3:39 - Biblia Ilagho Jiboie Kwa Wandu Wose

³⁹ Na ini idime nawuya mnyonge, hata ngera nashingilo mavuda nikaie mzuri; awana wa Seruia waniredia wasi m'baa. BWANA ndemlipe m'bonyi kiwiwi kunughana na wuwiwi ghwake.”

2 SAMUELI 3:39 ပူးပေါင်းရင်းမြစ်များ

2 SAMUELI 16:10

Ela mzuri ukamzera, “Dekwanye wada inyo wana wa Seruia? Mwamanya wada ngera waadumwa ni BWANA uniewie? Nani udimagha kughiria isekaie huwo?”

2 SAMUELI 19:13

Sena mumzere Amasa, ‘Wele oho nde ko bagha imweri nani? Mlungu unikabe na kuchumba iji nisekuwikie oho kukaia m'baa wa majeshi ghapo wulalo ghwa Joabu.’”

2 SAMUELI 19:22

Ela Daudi ukaghamba, “Neko na ilaghoki nenyo inyo wana wa Seruia? Idime mwawuya wamaiza wapo! Mndungi wadima kubwagha andenyi ya Israeli idime? Ini namanya kukaia ne mzuri wa Israeli.”

2 SAMUELI 3:38

Nao mzuri ukawizera wandu wake, “Wele ndemmanyire kukaia kilongozi m'baa aghadi ya wandu wa Israeli wafwa idime?

1 WAZURI 2:32

BWANA uchammbunjira bagha yake aighu ya chongo chake; kwa kukaia wabwaghie wandu wawi kwa lufu, aba usemanyire; sena wandu wiko na hachi kumchumba; nawo ni Abneri mwana wa Neri, orekoghe m'baa wa majeshi gha Israeli, na Amasa mwana wa Jetheri orekoghe m'baa wa majeshi gha Juda.

1 WAZURI 2:9

Ela kusemsighe usepatire ikabo; kuchamanya seji kuchaam'bonya kwa kutumia hikima kuko nayo; kusemsighe ughosie na kufwa kifwa cha kawaida.”

1 MALAGHO GHA NGELO 22:5

Kwa kukaia Daudi oreghambieghe “Mwana wapo Solomoni ni mkoo, ndeichi malagho, na iyo Hekalu iaghilwagha Mlungu suti ikaie mbaa loli-loli, ikumikie iko na sare mbaa isangenyi kose; ini nichaitumbanyira vilambo.” Kwa huwo Daudi orefunyireghe vilambo vingi veiagha imbiri usefue.

1 MALAGHO GHA NGELO 29:1

Nao mzuri Daudi ukajizera ikwanyiko jose, “Mwana wapo Solomoni, nuo usaghulo ni Mlungu ela waduagha mwanake, useichi malagho. Kazi iko ebonya ni mbaa; kwa kukaia ndeiko sa ngome ekailwa ni wandu, ela ni Hekalu ya BWANA Mlungu.

2 MALAGHO GHA NGELO 13:7

na wandu wamu wa kisha kisha wisefwane kindo chingi wikakukwanya nao, wikakufungisha ndighi aighu ya Rehoboamu mwana wa Solomoni, ingelo orekoghe mkoo usedimagha kusimana nawo.

ZABURI 101:8

Kula ituku nichakaia ngiwitotesha wawiwi wose isangenyi, nichawiwinga mzinyi kwa BWANA.

ZABURI 28:4

Kuwilipe karakara na kazi rawo, kunughana na kuzama kwa mabonyo ghawo; kuwilipe karakara na seji wibonyere, kuwineke mafungu ghawo ghiwifwanagha.

ZABURI 62:12

na lukundo lukatie. Oho BWANA kwadamlipa mundu karakara na kazi yake.

ZABURI 7:16

Mawiwi ghake ghadammburia moni, na lung'eto lwake lwadamghalukia moni.

ZABURI 75:10

Uchainja kudima kose kwa wandu wawiwi; ela kudima kwa wahachi kuchachurilwa.

KUFUMA 21:12

“Uo ose uchamkaba mundu na kum'bwagha, uchabwaghwa.

MAKATANISHO 20:8

Mzuri ukakaria kifumbi chetanya, wadasasawua makosa ghose ughiwonagha.

MAKATANISHO 25:5

Wika wanjama wawiwi kula na mzuri, na wuzuri ghwake ghuchamangishwa kwa hachi.

ISAYA 3:11

Ni bugha kwa mmbiwi angu uchapatwa ni mawiwi, nao uchalipwa kara kara na kazi rake.

ISAYA 7:4

kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

JEREMIA 38:5

Mzuri Zedekia ukaghamba, “Olenyi hoyo oko mikonunyi konyu; kwa kukaia mzuri ndedimagha kusimana nenyo.”

DANIELI 6:16

Mzuri ukafunya momu Danieli uredo. Nao ukaredwa na kukumbwa andenyi ya kizimba cha shimba. Mzuri ukamzera Danieli, “Mlungu wako uo kumdumikiagha tuli tuli ukukire!”

MITALO 32:23

Ela mkalegha huwo, mwameria kum'bonyera BWANA kaung'a; nenyo mkaie na loli kukaia kaung'a ichamfunya shighadi.

WAROMA 13:4

angu uo moni ni mdumiki wa Mlungu, kwa wundu ghwa fwaida yako. Ela ngera kwabonya kiwiwi, kuobuo; kwa kukaia ndedwagha lufu duu, angu uo ni mdumiki wa Mlungu oikatisha adhabu yake aighu ya awo wibonyagha kiwiwi.

2 TIMOTHEO 4:14

Alekizanda uja mchani wa shaba orenibonyereghe kiwiwi na ndighi; Bwana uchamlipa kwa mabonyo ghake.

WATANYI 9:57

wokoni Mlungu ukalipia ghuja wuwiwi ghorebonyeroghe ni wandu wa Shekemu; wikachelwa ni njowe sa iji koni Jothamu mwana wa Jerubaali orewilodereghe.