2 SAMUELI 3:18 - Biblia Ilagho Jiboie Kwa Wandu Wose

¹⁸ Idana ngelo ekatisha yavika; angu BWANA oremlaghirieghe Daudi ukighamba, ‘Kwa mkonu ghwa mdumiki wapo Daudi, nichawikira wandu wapo Israeli kufuma kwa mikonu ya Wafilisti na kufuma kwa mikonu ya wamaiza wawo wose.’”

2 SAMUELI 3:18 ပူးပေါင်းရင်းမြစ်များ

2 SAMUELI 3:9

Naghema Mlungu unibonye kiwiwi na kuchumba, ngakaia nisemkatishire Daudi agha BWANA orem'bonyereghe ighemi,

2 SAMUELI 8:6

Niko Daudi ukaagha ngome aho Aramu ya Dameshki, na Wasiria wikawuya wadumiki wa Daudi, wikakaia wikilipa kodi kwake. BWANA ukamneka Daudi wusimi andu uko kose oreghendieghe.

1 SAMUELI 13:14

Ela idana wuzuri ghwako ndeghuchaadua; BWANA wameria kulola mundu seji ngolo yake ikunde, nao wameria kumsaghua ukaie mzuri aighu ya wandu wake; kwa kukaia ndekorebonyereghe seji BWANA orekulaghireghe.”

1 SAMUELI 15:28

Samueli ukamzera Sauli “BWANA waghurashua wuzuri ghwa Israeli kufuma kwako idime, na kughuneka mmbenyu uko mucha kukuchumba.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”