2 SAMUELI 3:12 - Biblia Ilagho Jiboie Kwa Wandu Wose

¹² Nao Abneri ukaduma wandu kwa Daudi aja Hebroni ukighamba, “Welee, kwawuyamanya iji isanga ni jani? Ola bonya ilaghiro na ini, nani nichawadana na oho kuwighalua Waisraeli wose cha kwako.”

2 SAMUELI 3:12 ပူးပေါင်းရင်းမြစ်များ

2 SAMUELI 19:14

Malagho gha mzuri ghikangia ngolonyi kwa wandu wa Juda wose sa mundu umweri; wikaduma malagho kwa mzuri wikighamba, “Wuya chiaimweri na wadumiki wako wose.”

2 SAMUELI 19:41

Nao wandu wose wa Israeli wikacha kwa mzuri, wikamzera, “Kwaki wanidu wa kichuku cha Juda wakusara wiekeri; hata wikakuruwusa Jordani na wandu wa kinyumba chako, na awo wandu korekwanyeghe nawo?”

2 SAMUELI 19:6

kwa kukaia koowikunda awo wizamilwaghwa ni oho, na kuzamilwa ni awo wikukunde. Kwawonyera wandu worinyi idime kukaia wabaa wako wa majeshi na wadumiki wako si kindo chingi imbiri kwako. Kwa sababu yawoneka worinyi ngera Absalomu odeeka moyo na isi diwose difo, niko kwaboilwagha.

2 SAMUELI 3:11

Ishboshethi ukangilwa ni wowa, hata nderemtumbulieghe Abneri ilagho jingi anduangi.

2 SAMUELI 3:13

Daudi ukatumbulia, “Ni nicha, narumiria kubonya ilaghano na oho. Ela ilagho jimweri tu nijikunde, imbiri kusewonie wushu ghwapo, kuniredie Mikali uja mwai wa Sauli ima diwonane.”

2 SAMUELI 3:21

Abneri ukamzera Daudi, “Ini nichaghenda na kukukwanyira oho bwana wapo mzuri Waisraeli wose, wipate kubonya ilaghano na oho, eri kuwibonyere nguma wose seji ngolo yako ikundagha.” Nao Daudi ukamsigha Abneri, nao ukaghenda kwa sere.

2 SAMUELI 3:27

Nao iji Abneri wawunjwa Hebroni, Joabu ukamdwa mbalama sa kukunda kubonya njama ya kiviso nao aho mbengenyi; nao ahoeni ukamdunga na ifumu ja kifu ukafwa kulipia iyo bagha ya mruna Asaheli.

2 SAMUELI 3:38

Nao mzuri ukawizera wandu wake, “Wele ndemmanyire kukaia kilongozi m'baa aghadi ya wandu wa Israeli wafwa idime?

ZABURI 62:9

Wandu wa ndonyi ni sa miruke cheni, na wandu wa ighu si kilambo chingi; wikapimwa, wiawuka nokoighu; waangue kuchumba miruke.