2 SAMUELI 24:2 - Biblia Ilagho Jiboie Kwa Wandu Wose

² Niko mzuri ukamzera Joabu, uo orekoghe m'baa wa majeshi, ukighamba, “Ghenda chiaimweri na wabaa wamu wa majeshi kwa vichuku vose va Israeli kufuma Dani hata Beer-sheba kuwitale awo wandu nipate kumanya mtalo ghwawo.”

2 SAMUELI 24:2 ပူးပေါင်းရင်းမြစ်များ

KUZOYA 21:14

Abrahamu ukawuka nakesho kio, ukawusa mkate na kiriba cha machi ukamneka Hagari ukichiwikiria maweghenyi kwake, andwamweri na mwana wake, ukammbinga wighende. Hagari ukaghenda, ukazoya kumara-mara andenyi ya kireti cha Beer-sheba.

2 SAMUELI 17:11

Kwa huwo mawoni ghapo ni agha, Waisraeli wose wikwanyike chiaimweri a kwako, kufuma Dani hata Beer-sheba, wengi sa msangagha ghwa baharinyi, na oho kumoni kughendanye nawo wudenyi.

2 SAMUELI 2:13

Na Joabu mwana wa Seruia na wabaa wa Daudi wikafuma wikakwana nawo aja kiriwenyi cha Gibeoni; wikasea kidombo aho kiriwenyi wikalangayana wamu ii chia na wamu ii chia.

2 SAMUELI 20:23

Joabu orekoghe m'baa wa majeshi ghose gha Israeli; na Benaia mwana wa Jehoiada orekoghe m'baa wa Wakerethi na Wapelethi;

2 SAMUELI 23:37

Zeleki, Muamoni, Naharai ufumie Beerothi uo oremdukiagha maswagha Joabu mwana wa Seruia;

2 SAMUELI 24:15

Nao BWANA ukaduma saka ya ngawawi kwa Waisraeli kufuma luma lwa nakesho, hata ija ngelo erelaghiriloghe; wandu wikafwa kufuma Dani hata Beer-sheba elfu mirongo mfungade.

2 SAMUELI 3:10

gheghalua ughu wuzuri na kughufunya nyumbenyi kwa Sauli, na kuchimangisha kifumbi cha nguma cha Daudi aighu ya Israeli na aighu ya Juda kufuma Dani hata Beer-sheba.”

2 SAMUELI 8:16

Joabu mwana wa Seruia ukakaia m'baa wa majeshi, na Jehoshafati mwana wa Ahiludi ukakaia karani;

1 MALAGHO GHA NGELO 21:2

Kwa huwo Daudi ukamzera Joabu, na vilongozi va majeshi, “Ghenda kuwitale Waisraeli kufuma Beer-sheba hata Dani, kuniredie malagho nipate kumanya mtalo ghwawo.”

2 MALAGHO GHA NGELO 32:31

Hata iji wabaa wa isanga ja Babuloni weredumieghe wadumwa wichekotia maza ra alama ibonyekie andenyi ya isanga, Mlungu ukamsigha Hezekia umanye moni eri upate kumanya agho ghiko ngolonyi kwake.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

JEREMIA 17:5

BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

2 WAKORINTHO 12:7

Sena eri nisekujose ighu kuchumba, kwa wundu ghwa wungi ghwa agho mafunuo, nerenekeloghe luwawo mumbinyi sa munjwa; mdumwa wa Shetani upate kunisumbua, eri nisechekujosa kuchumba.

WATANYI 20:1

Niko wandu wa Israeli wose wikafuma sa mundu umweri kufuma Dani hata Beer-sheba, chiaimweri na isanga ja Gileadi; ijo izungu jikakwanyika imbiri ya BWANA aho Mispa.