2 SAMUELI 24:18 - Biblia Ilagho Jiboie Kwa Wandu Wose

¹⁸ Ituku ijo jeni Gadi ukamghendia Daudi ukamzera, “Joka aja wazenyi eelia viro ya Arauna, Mjebusi; kumuaghie BWANA madhabahu.”

2 SAMUELI 24:18 ပူးပေါင်းရင်းမြစ်များ

KUZOYA 50:10

Hata iji werevikieghe lwala loelia viro lwa Atadi, luko kimonu cha Jordani, wikalila kililo kibaa cha wasi, na Josefu ukabonya ifwa aho kwa wundu ghwa ndee matuku mfungade.

2 SAMUELI 24:11

Nao imbiri Daudi usewukie nakesho, ilagho ja BWANA jerekoghe jamchea mlodi Gadi, uo orekoghe mmboni wa Daudi, jikighamba,

2 SAMUELI 24:19

Daudi ukasikira malagho gha Gadi, ukajoka sa iji koni BWANA orelaghirieghe.

2 MALAGHO GHA NGELO 3:1

Nao Solomoni ukazoya kuagha Hekalu ya BWANA aho Jerusalemu aighu ya mghondi ghwa Moria, andu BWANA oremfutukieghe ndee Daudi; aighu ya lwalwa lochania lwa Ornani, Mjebusi, andu Daudi orekuboisireghe kukaie koaghia.

ZEKARIA 9:7

Ndewichaaja nyama iko na bagha sena, hata kindo chingi wikanilo. Awo wifufunukagha wichawuya wandu wapo, na kuwuya kinyumba andenyi ya kichuku cha Juda. Wandu wa Ekroni wichawuya wandu wapo sa Wajebusi.