2 SAMUELI 24:17 - Biblia Ilagho Jiboie Kwa Wandu Wose

¹⁷ Daudi uendammbona uja malaika ototesha ukamzera BWANA, “Ola mkosa ni ini, ni ini nabonya kaung'a, ela awandu wabonya wada? Nakulomba kunikabe ini na nyumba ya aba.”

2 SAMUELI 24:17 ပူးပေါင်းရင်းမြစ်များ

KUZOYA 18:23

Nao Abrahamu ukasoghoda kaavui na BWANA ukaghamba “Welee, kuchawitotesha wahachi andwamweri na wawiwi anguwada?

KUZOYA 44:33

Idana nakulomba ini mdumiki wako nikaie wulalo ghwake, niwuye mzumba wa bwana wapo, na mwana ughalanye na waruna.

2 SAMUELI 12:13

Nao Daudi ukamzera Nathani, “Nam'bonyere BWANA kaung'a.” Nathani ukamzera Daudi, “Wokoni BWANA nao, wainja kaung'a yako; ndekufwagha kungi.

2 SAMUELI 24:10

Ela Daudi ukatanywa ngolonyi kwake nyuma ya kuwitala wandu. Daudi ukamzera BWANA, “Nabonya kaung'a nandighi kwa wundu ghwa agha nabonya; ela idana ee BWANA, nakulomba kuinje nambai wuwiwi ghwapo ini mdumiki wako, angu nabonya wukelu nandighi.”

2 SAMUELI 7:8

Kwa huwo kumzere mdumiki wapo Daudi huwu, ‘Nedekuwusa kukilisha ng'ondi mlambenyi, kupate kukaia kilongozi cha wandu wapo Israeli;

1 WAZURI 22:17

Mikaia ukaghamba, “Nawona ijeshi ja Israeli jasasarika aighu mghondinyi sa ng'ondi risewadie mlisha ungi. Na BWANA ukaghamba, ‘Awa ndewiwadie kilongozi ungi, kula mundu ndewuye nyumbenyi kwake kwa sere.’”

AYUBU 42:6

Nakumenya ini moni, na kuhea ngisea kidombo aterinyi na ivunyi.”

AYUBU 7:20

Ngabonya kaung'a-lee, nakubonya wada oho kulawuagha wandu? Kwaki kunibonyere nikaie bole? Neewuya msigo kwako?

ZABURI 32:5

Niko ngairumiria kaung'a yapo kwako, hata serechivisireghe kiwiwi chapo anduangi; nereghirumirieghe makosa ghapo imbiri kwako, kukanifuya wughoma kaung'a rapo rose.

ZABURI 44:11

Kwadifunyire dibwagho sa ng'ondi; kukadisaghisa aghadi ya mbari ra wandu.

ZABURI 74:1

Ee Mlungu, kwaki kwadilegha putu? Kwaki kuwibonyeragha wandu wako machu?

ZABURI 78:71

ukamreda kufuma kulishenyi ng'ondi, upate kukaia mlisha wa wandu wa Israeli, ifwa jake.

KUFUMA 10:16

Niko Farao ukawiwanga Musa na Haruni kwa shwa-shwa ukawizera, “Nabonya kaung'a kwa BWANA Mlungu onyu na konyu wori.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

JONA 1:12

Ukawizera, “Niwadenyi munikumbe baharinyi nayo ichahoa; angu namanya ni ini nashekeria mchelo ni ichi kiremba.”

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MITALO 16:22

Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”