2 SAMUELI 24:16 - Biblia Ilagho Jiboie Kwa Wandu Wose

¹⁶ Hata iji malaika orekoghe tayari kughorua mkonu ghwake cha Jerusalemu eri ughukabe, BWANA ukaghalua nia ebonya ugho wuwiwi, ukamzera, “Yakata, leka.” Uja malaika wa BWANA orekaieghe kimusi aja wazenyi eelia viro ya Arauna, Mjebusi.

2 SAMUELI 24:16 ပူးပေါင်းရင်းမြစ်များ

KUZOYA 10:16

niwo werewurieghe kivalwa cha Wajebusi, Waamori, Wagirgashi,

KUZOYA 6:6

BWANA ukawawa na kusirimika ngolonyi angu oremuumbieghe mdamu na kummbika ndoenyi.

2 SAMUELI 24:18

Ituku ijo jeni Gadi ukamghendia Daudi ukamzera, “Joka aja wazenyi eelia viro ya Arauna, Mjebusi; kumuaghie BWANA madhabahu.”

2 SAMUELI 5:8

Ituku jija Daudi ukaghamba, “Uo ose uchaawikaba Wajebusi, ndejoke kwa kuidiria mkuonyi ghwa machi, uwikabe awo vitungure na wakelemeri winizamiagha.” (Iyo niyo sababu ighorwagha kukaia, “Vitungure na wakelemeri ndewina rusa engia nyumba ya BWANA.”)

1 WAZURI 19:4

Ela uo ukaghenda charo cha ituku ilazi kireti. Ukasea kidombo aisi ya kiju cha mretemu, ukalomba kifwa kwa BWANA ukighamba, “Idana BWANA kazi yapo yakata; nalomba kujiinje irangi japo, kwa kukaia siboie kuwichumba weke aba anduangi.”

2 WAZURI 19:35

Kio chija, malaika wa BWANA ukaida na kubwagha Waashuru elfu ighana na mirongo wunyanya na isanu werekoghe kambinyi. Hata iji wandu wawuka nakesho kio, wikawona wandu wose wafue.

1 MALAGHO GHA NGELO 1:14

nawo niwo wicheewuya Wajebusi, na Waamori; na Wagirgashi,

2 MALAGHO GHA NGELO 3:1

Nao Solomoni ukazoya kuagha Hekalu ya BWANA aho Jerusalemu aighu ya mghondi ghwa Moria, andu BWANA oremfutukieghe ndee Daudi; aighu ya lwalwa lochania lwa Ornani, Mjebusi, andu Daudi orekuboisireghe kukaie koaghia.

2 MALAGHO GHA NGELO 32:21

BWANA ukamduma malaika ikawibwagha mang'oni ghiwadie ndighi na vilongozi na wabaa wa kazi andenyi ya kambi ya Waashuru. Uo mzuri ukaghala cha mzawo na waya m'baa. Nao iji wangia andenyi ya nyumba ya mlungu ghwake, wana wamu wa wana wake weni, wikam'bwagha na lufu ahoeni.

ZABURI 135:14

BWANA uchawidederia wandu wake; uchawiwonia wughoma wadumiki wake.

ZABURI 35:6

Chia yawo ndeiwuye kira na madende, malaika wa BWANA ukiwinugha.

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

ZABURI 90:13

Kudibonyera machu hata lii ee BWANA? Ghaluka kudiwonie wughoma isi wadumiki wako.

KUFUMA 12:13

Bagha niyo ichaakaia alama enyu aighu ya nyumba mchaakaia, hata iji naiwona bagha, nichamuida; na ikabo jingi ndejichaampata jemtotesha ngelo nichaakaia ngijikaba isanga ja Misri.

KUFUMA 12:23

Angu BWANA uchaida ukiwibwagha Wamisri; na iji wawona bagha kizingitinyi cha ighu na vizingitinyi viwi va mnyango, uchaghuida ugho mnyango, nao ndechaamsigha uo mtoteshi ungie andenyi ya nyumba renyu kum'bwagha anduangi.

KUFUMA 32:14

Nao BWANA ukaghalusa nia, ukaleka kuwiredia wandu wake agho mawiwi.

KUFUMA 9:28

Mlombenyi BWANA, angu ulu lukuwa na vua ya magho vakata. Nichamlekeria mghende, hata ndemuchaamuka anduangi.”

ISAYA 27:8

Kipimo kwa kipimo, korelueghe nawo na kuwighenja wubarishonyi. Korewiinjireghe kwa makabo ghibirie, sa kwa kiremba chenona cha mashariki.

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

AMOSI 7:3

Nao BWANA ukaghalusa maghesho aighu ya ilagho ijo ukaghamba, “Ndejichaabonyeka kungi.”

AMOSI 7:6

Nao BWANA ukaghalusa maghesho aighu ya ilagho ijo ukaghamba, “Hata iji wori ndejichaabonyeka kungi.”

HABAKUKI 3:2

Ee BWANA, nasikire malagho ghako kubonyere, nani naawuyaobua. Idana wuria kuribonya iro kazi matuku ghedu, iro kazi koreribonyereghe matuku gha kala. Ngelo kwakaia na machu, kukumbuke angu koko wa wughoma.

ZEKARIA 9:7

Ndewichaaja nyama iko na bagha sena, hata kindo chingi wikanilo. Awo wifufunukagha wichawuya wandu wapo, na kuwuya kinyumba andenyi ya kichuku cha Juda. Wandu wa Ekroni wichawuya wandu wapo sa Wajebusi.

MARKO 14:41

Uendawichea indo ja kadadu, ukawizera, “Welee, mduagha mkilala na kukuhoresha? Yakata! Ija saa yameria kuvika! Olenyi Mwana wa Mdamu wafunywa mikonunyi kwa wandu wa kaung'a.

MABONYO GHA WADUMI 12:23

Shwa wori malaika wa Bwana ukamkaba, na kumghusha angu useremkasireghe Mlungu, ukalumwa ni vunyu ukafwa.

1 WAKORINTHO 10:10

Hata disakezughunuka, sa iji wamu wawo werebonyereghe; wikatoteshwa ni uja M'bwaghi.

2 WAKORINTHO 2:6

Iyo adhabu mundu uo ukole wainekwa ni wandu wengi, yakata.

JOSHUA 15:63

Ela wandu wa Juda ndeweredimieghe kuwiwinga Wajebusi awo werekoghe andenyi ya Jerusalemu, kwa huwo Wajebusi wekwanye na Wajuda hata linu.

WATANYI 1:21

Ela wandu wa Benjamini ndewerewingieghe Wajebusi awo werekoghe wikikaia Jerusalemu, na kufuma aho Wajebusi wikakaianya na wandu wa Benjamini hata idime.

WATANYI 19:11

Hata iji werekoghe kaavui na Jebusi, ndoe erekoghe yaswa; na mdumiki wake ukamzera, “Nndoko dingie andenyi ya ugho muzi ghwa Wajebusi dilale aho.”

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.