Niko mzuri ukamzera Joabu, uo orekoghe m'baa wa majeshi, ukighamba, “Ghenda chiaimweri na wabaa wamu wa majeshi kwa vichuku vose va Israeli kufuma Dani hata Beer-sheba kuwitale awo wandu nipate kumanya mtalo ghwawo.”
Joabu uo mae orewangwaghwa Seruaia orekoghe wazoya kuwitala; kwa wundu ugho Waisraeli wikachelwa ni ikabo. Nderedimieghe kumeria mtalo ghwaro, nagho ndeghuchaamanyika hata mtalo ghwaro kuwikwa andenyi ya vuo va Mzuri Daudi.
Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.
Ee BWANA, nasikire malagho ghako kubonyere, nani naawuyaobua. Idana wuria kuribonya iro kazi matuku ghedu, iro kazi koreribonyereghe matuku gha kala. Ngelo kwakaia na machu, kukumbuke angu koko wa wughoma.
Ngawona farasi ya fusifusi, na uo oreijokieghe, irina jake orewangiloghe Kifwa, na Andu Kwa Wafu korenughaneghe nao; nawo werenekeloghe nguma aighu ya ifungu ja kana ja ndoenyi; wibwaghe kwa lufu, na kwa njala, na kwa saka izamie, na kwa nyamandu ra isakenyi ra ndoenyi.
BWANA ukawibwagha wandu mirongo mfungade wa Beth-shemeshi, angu werezighanireghe andenyi ya iyo Sanduku ya BWANA. Wandu wikalila kwa kukaia BWANA orewibwaghieghe wandu wengi aghadi yawo.