2 SAMUELI 24:10 - Biblia Ilagho Jiboie Kwa Wandu Wose

¹⁰ Ela Daudi ukatanywa ngolonyi kwake nyuma ya kuwitala wandu. Daudi ukamzera BWANA, “Nabonya kaung'a nandighi kwa wundu ghwa agha nabonya; ela idana ee BWANA, nakulomba kuinje nambai wuwiwi ghwapo ini mdumiki wako, angu nabonya wukelu nandighi.”

2 SAMUELI 24:10 ပူးပေါင်းရင်းမြစ်များ

2 SAMUELI 12:13

Nao Daudi ukamzera Nathani, “Nam'bonyere BWANA kaung'a.” Nathani ukamzera Daudi, “Wokoni BWANA nao, wainja kaung'a yako; ndekufwagha kungi.

2 SAMUELI 24:17

Daudi uendammbona uja malaika ototesha ukamzera BWANA, “Ola mkosa ni ini, ni ini nabonya kaung'a, ela awandu wabonya wada? Nakulomba kunikabe ini na nyumba ya aba.”

1 WAZURI 8:35

“Kukaighiria vua isenye kwa wundu ghwa wandu wako kukubonyera kaung'a, wikahea na kukurumiria kwa kuvoya na kulomba angu kwawitirira, wikilangaya Hekalu ihi,

1 MALAGHO GHA NGELO 21:7

BWANA ukazamilwa ni ilagho ijo ukawikaba Israeli.

1 MALAGHO GHA NGELO 21:8

Daudi ukamzera BWANA, “Nabonya kaung'a mbaa nandighi kwa kubonya ilagho iji. Ela idana nakulomba kuniinjire kaung'a yapo ini mdumiki wako; angu nabonya wukelu m'baa.”

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

2 MALAGHO GHA NGELO 32:26

Ela Hezekia uendakusera, uo moni na wandu wikaiagha Jerusalemu, BWANA ndechewikaba matuku ghake.

AYUBU 7:21

Ndekudimagha kunilekia makosa ghapo, na kuinja kaung'a rapo? Kafwani koni nichawunjwa terinyi; kuchanilola ela sichaawoneka.”

ZABURI 32:5

Niko ngairumiria kaung'a yapo kwako, hata serechivisireghe kiwiwi chapo anduangi; nereghirumirieghe makosa ghapo imbiri kwako, kukanifuya wughoma kaung'a rapo rose.

KUFUMA 10:16

Niko Farao ukawiwanga Musa na Haruni kwa shwa-shwa ukawizera, “Nabonya kaung'a kwa BWANA Mlungu onyu na konyu wori.

MAKATANISHO 28:13

U mundu uvisagha makosa ghake ndepatagha mecha, ela uhu ughirumiriagha na kughisigha uchafuilwa wughoma ni Mlungu.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

JOELI 2:12

BWANA waghamba, “Hata idana heenyi mmbuye kwapo kwa ngolo renyu rose; mkifunga na kulila kwa kudikwa ni mbori.

MITALO 12:11

Haruni ukamzera Musa, “Ai, e bwana wapo, kusakedikaba; kwa kukaia dabonya wukelu, dikabonya kaung'a.

MARKO 7:22

wutoi, kubwagha, kusela na waka wa wandu, iriso, wuwiwi, wukalo, wusawi, kurasha, wung'eti na wukelu.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

JOHANE 8:9

Wiendasikira malagho agho, wikazoya kufuma umu umu wikizoya na waghosi; Jesu ukasigharika uekeri chiaimweri na uja muka uko kimusi.

WUKUMBUSO 32:6

Huwo niko mumlipagha BWANA inyo wakelu msewadie akili? Uo ni ndeyo na Muumbi onyu, wam'bonyere mkawuya mbari.

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.

1 SAMUELI 24:5

Konyuma, ngolo ya Daudi ikamtanya; angu oredumbueghe kidambi cha nguwo ya Sauli;

1 SAMUELI 24:6

ukawizera wandu wake, “BWANA unitesie nisem'bonye kiwiwi bwana wapo, uo mshingwa mavuda wa BWANA; hata nisetime kum'bonya ilagho jingi jizamie, angu uo ni mshingwa mavuda wa BWANA.”

1 SAMUELI 26:21

Niko Sauli ukaghamba, “Nakosa; wuya mwanwapo Daudi, angu sichaakubonya ilagho iwiwi sena, kwa kukaia irangi japo jekoghe ja zoghori kwako idime. Ola nabonya wukelu, nakosa nandighi.”