2 SAMUELI 24:1 - Biblia Ilagho Jiboie Kwa Wandu Wose

¹ Ngelo imu, BWANA ukakaia wazamilwa ni Waisraeli, ukam'bonya Daudi uwiredie wasi, ukimzera, “Ghenda kuwitale wandu wa Israeli na wa Juda.”

2 SAMUELI 24:1 ပူးပေါင်းရင်းမြစ်များ

KUZOYA 45:5

Idana msakeja wasi hata kuwawa ngolonyi konyu kwa wundu ghwa uko kuniuza aha, angu Mlungu odenireda ini imbiri konyu, nipate kuvuvua marangi gha wandu.

KUZOYA 50:20

Inyo loli morekoghe na njama enibonya kiwiwi, ela Mlungu oreibonyereghe njama iyo irede mecha gha kukira marangi gha wengi sa iji yawuyakaia idime.

2 SAMUELI 12:11

‘Ola nichakuwusiria mawiwi kufuma kwa kivalwa chako cheni. Nichawusa waka wako kukiwona, na kumneka mmbenyu mkwanye; nao uchalala nawo iruwa jikiaka.

2 SAMUELI 16:10

Ela mzuri ukamzera, “Dekwanye wada inyo wana wa Seruia? Mwamanya wada ngera waadumwa ni BWANA uniewie? Nani udimagha kughiria isekaie huwo?”

2 WAZURI 3:6

Niko Mzuri Jehoramu ukafuma Samaria na kukwanya Israeli yose.

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

1 MALAGHO GHA NGELO 7:2

Tola orekoghe na wana warandadu: Uzi, Refaia, Jerieli, Jahima; Ibsamu, na Shemueli, nawo niwo werekoghe wabaa wa kinyumba cha Tola. Ni wandu werekoghe mang'oni gha wuda. Matuku gha mzuri Daudi mtalo ghwawo ghorekoghe wandu elfu mirongo iwi na iwi na maghana arandadu.

1 MALAGHO GHA NGELO 7:40

Awa wose werekoghe kivalwa cha Asheri; wabaa wa kichuku chawo wikumikie kwa wuda. Mtalo ghwawo ghose seji wereandikiloghe werekoghe wandu elfu mirongo iwi na irandadu.

2 MALAGHO GHA NGELO 32:25

Ela Hezekia ukasowa chawucha ingi kwa wundu ghwa ijo orebonyeroghe, angu orekoghe na lukaso. Kwa huwo BWANA ukawibonyera machu uo moni na wandu wa Juda, na Jerusalemu.

KUFUMA 7:3

Ela nichaikurisha ngolo ya Farao, hata ngera nichachuria weke mwakilimbiti na mashiniko andenyi ya isanga ja Misri,

EZEKIELI 14:9

“Mlodi ukakalikia, nao ufunye wulodi ghwa tee, mmanye ni ini namkalia; nani nichamkaba na kumuinja aghadi ya wandu wapo Israeli.

EZEKIELI 20:25

“Niko ngawineka sharia riseboie, mafundisho ghisewinekagha irangi jingi;

WALAWI 10:6

Musa ukamzera Haruni na wana wake Eleazari na Ithamari, “Msakesigha maridia ghenyu ghiseshanulo, hata msakerashua nguwo renyu kuwonyera wei moko na wasi mchefwa na kuredia izungu iji jose machu gha BWANA; ela wanyinyu icho kinyumba chose cha Israeli, wadima kubonya ifwa kwa wundu ghwa ugho modo ghuredelo ni BWANA ghukabwagha.

MITALO 1:19

Wikatalwa aho kireti cha Sinai, sa iji koni BWANA oremlaghirieghe Musa.

MABONYO GHA WADUMI 4:28

Nawo werebonyereghe ghose korekundieghe ghikatisho kwa mpango ghwako.

2 WATHESALONIKE 2:11

Kwa huwo, Mlungu uchawikumba wurumu m'baa gholaghasha wipate kurumiria maza ra tee;

WATANYI 2:14

Kwa huwo BWANA ukajokwa ni machu loli-loli aighu ya Israeli, ukawingira mikonunyi kwa awo wandu wewidwa wunyika. Ukasigha wamaiza wawo wiwisime, na kufuma aho, ndeweredimieghe kuwisima wamaiza wawo anduangi.

WATANYI 2:20

Kwa huwo, BWANA ukajokwa ni machu aighu ya Waisraeli ukaghamba, “Kwa kukaia wandu awa wajisigha ilaghano japo nerewilaghirieghe weke ndee, nawo walegha kulusikira lwaka lwapo,

1 SAMUELI 26:19

Kwa huwo idana bwana wapo sikira malagho ghapo ini mdumiki wako. Ikakaia ni BWANA ukubonyere kunidiweghe huwu, nderumirie kizongona; ela ikakaia ni wadamu, ndewiwado ni njowe imbiri ya BWANA; kwa kukaia waniwinga nisepate iwaghio jingi ja ifwa ja BWANA; wikinizera, ‘Ghenda kuidumikie milungu mizima.’