2 SAMUELI 23:8 - Biblia Ilagho Jiboie Kwa Wandu Wose

⁸ Agha nigho marina gha masikari gha Daudi agho gherekumikieghe: Joshebu-bashebethi ufumie Takemoni; orekoghe m'baa wa awo wabaa wadadu welusha wuda. Uo oretumieghe ifumu jake kubwagha wandu maghana wunyanya andenyi ya wuda ghumweri.

2 SAMUELI 23:8 ပူးပေါင်းရင်းမြစ်များ

2 SAMUELI 10:7

Daudi uendasikira agho, ukamduma Joabu na majeshi ghose gha wandu wiwadie ndighi.

1 WAZURI 1:8

Ela mkohani Zadoku, na Benaia mwana wa Jehoiada, na mlodi Nathani, na Shimei, na Rei, na walindiri wa mzuri ndewerewadaneghe na Adonija anduangi.

1 MALAGHO GHA NGELO 11:10

Awa niwo wabaa wa masikari weremteserieghe Daudi kughumangisha wuzuri ghwake chiaimweri na Israeli yose. Weremteserieghe kuwuya mzuri sa iji koni BWANA orelaghirieghe; wikaghumangisha wuzuri.

1 MALAGHO GHA NGELO 27:1

Ughu ni mtalo ghwa wandu wa Israeli werekoghe wabaa wa vinyumba, wiko vilongozi va maelfu na maghana, na wabaa waro awo weremdumikiagha mzuri kwa maza rose ra vipughi va majeshi gha wandu weredumikagha mori kwa mori kwa kula mwaka. Kula kipughi cherekoghe na wandu elfu mirongo iwi na inya.

1 MALAGHO GHA NGELO 27:2

Mundu orekoghe mzighaniri wa kipughi cha mori ghwa imbiri, cha wandu elfu mirongo iwi na inya ni Jeshobeamu mwana wa Zabdieli.

1 MALAGHO GHA NGELO 27:32

Jonathani awuye wake Mzuri Daudi, orekoghe mnjama uwadie suku na muandiki. Uo na Jehieli mwana wa Hakmoni werekoghe watesia wa kishomo cha wana wa mzuri.

WATANYI 15:15

Ukawona muzu mmbishi ghwa punda andonyi, ukaghorua mkonu ghwake, ukaghushoa na kubwagha nagho wandu elfu imweri.