2 SAMUELI 23:5 - Biblia Ilagho Jiboie Kwa Wandu Wose

⁵ Hee, si huwo koni kivalwa chapo chiko na Mlungu? Angu orenibonyereghe ilaghano ja kala na kala, jilaghirilo na kumangishwa kwa wundu ghwa vilambo vose. Welee, ndechaanibonya niwone nicha na kunikatishira bea yapo anguwada?

2 SAMUELI 23:5 ပူးပေါင်းရင်းမြစ်များ

KUZOYA 9:16

Iji lusenge lwadunga andenyi ya mawingu, nichaluzighana kukumbuka ijo ilaghano ja kala na kala jerewikiloghe aghadi ya Mlungu na icho chose chiko moyo chiumbilo, na mimbi yose iko ndoenyi.”

2 SAMUELI 12:10

Kwa huwo, wandu wa kivalwa chako jingi ndewichaakaia wisebwaghwaa kwa lufu, kwa kukaia kwanimenyere kukawusa mka wa Uria uwuye mkako.’

2 SAMUELI 13:14

Ela Amnoni ukalegha kumsikira, ukamdidika; na kwa kumchumba ndighi ukalala nao.

2 SAMUELI 13:28

Niko Absalomu ukawilaghira wadumiki wake ukighamba, “Mumzighanireghe Amnoni; iji wanywa divei na kuwongia, ngamzera, ‘Mkabenyi Amnoni,’ basi moom'bwagha. Mseobuo, nechi nimoni namzera mkufungishe ndighi, mkaie mang'oni.”

2 SAMUELI 18:14

Joabu ukaghamba, “Sidimagha kulaghasha ngelo na madedo ghako.” Nao ukawada mafumu matini adadu, ukamdunga Absalomu ngolonyi kwake, ingelo orekoghe umoo ukinyonyora a mwaloninyi;

2 SAMUELI 7:12

Ngelo yako efwa ikavika, nao kufo kuriko sa weke ndeyo, nichammbusira umu wa kivalwa chako, mwana wako moni; nani nichachimangisha kifumbi cha wuzuri ghwake.

2 SAMUELI 7:18

Nao Mzuri Daudi ukangia andenyi ya Hema Ekwania, ukasea kidombo ukamlomba BWANA ukighamba, “Ini neko kii ee Bwana MLUNGU, na wandu wa nyumba yapo weko kii, hata kudibonyere maza mbaa ring'ane huwu?

1 WAZURI 1:5

Niko Adonija mwana wa Daudi kwa Hagithi ukakujosa moni ukighamba, “Ini nichakaia mzuri.” Ukakuwikia magare na farasi, na wandu mirongo misanu wekiria imbiri kwake.

1 WAZURI 11:38

Kukanisikira kwa agho ghose nikulaghiragha, na kukaia seji nikundagha, na kubonya agho ghiko gha hachi imbiri kwapo kwa kuiwadia memu yapo na sharia rapo, sa iji koni mdumiki wapo Daudi orebonyereghe, nichakaia andwamweri na oho, nani nichakubonya kukaie mzuri wa Israeli, na kivalwa chako chikaie chikibonya nguma nyuma yako, sa iji koni nerebonyereghe kwa Daudi.

1 WAZURI 12:14

Ukadedanya nawo kunughana na njama orenekeloghe ni wandu wa irika, ukighamba, “Aba oremdukishireghe misigo ilemere, ela ini nichamdukishira ilemere kuchumba; oremkabieghe na kiboko, ela ini nichamkaba na kiboko cha mbela.”

ZABURI 111:9

Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

ZABURI 119:81

Nawesera kunikire ngasilwa ni ndighi. Nadasuwiria ilagho jako.

ZABURI 27:4

Nalombie ilagho jimweri tu kwa BWANA, najo nijo jeni nijilolagha; ja ini kukaia nyumbenyi kwa BWANA matuku ghose gha irangi japo; niwoneghe kughoka kwa BWANA, na kulola wulongozi ghwake andenyi ya Hekalu yake.

ZABURI 62:2

Nuo uekeri uko mlindiri na kukia kwapo, nao ni ngome yapo; sichaanyavurika anduangi.

ZABURI 89:3

Oho kwaghambie, “Namerie kubonya ilaghano na msaghulwa wapo, ngamghemia Daudi mdumiki wapo ngighamba:

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 27:6

Matuku ghichagha, kivalwa cha Jakobo chichamanga, wandu wa Israeli wichawona nicha na kubara mbashu, hata wurumwengu ghose ghuchulo ni matunda ghake.

ISAYA 4:2

Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

ISAYA 54:10

Mighondi mibaa na mitini yadima kuinjwa, ela lukundo lwapo lukatie ndeluchaainjwa kwako, na ilaghano japo ja sere sichaajiinja. Naghamba ini BWANA, uo ukuwoniagha wughoma.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

ISAYA 61:8

BWANA waghamba, “Ini BWANA nadakunda loli, nadazamilwa ni kusoka na makosa; nani nichawilipia wandu wapo kwa hachi, na kubonya nawo ilaghano ja kala na kala.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

JEREMIA 32:40

Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.

JEREMIA 33:21

aho niko ilaghano japo na mdumiki wapo Daudi jidimagha kuchika, hata usowe mwana wa womi oseria kifumbi chake cha nguma, na wokoni ilaghano japo aighu ya wadumiki wapo wakohani wa Kilawi.

EZEKIELI 37:26

Nichabonya ilaghano ja sere nawo, najo jichakaia ilaghano ja kala na kala. Nichawimangisha na kuwibonya wichurikie; na Andu Kwapo kwa Wueli nichakuwika aghadi kwawo kwa kala na kala.

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

MABONYO GHA WADUMI 13:34

Na kwa wuloli ghuwonyeragha angu wamrukishire kufuma kwa wafu, usewuyaa-wuya kwa kuwoa kungi, Mlungu waghorie huwu: ‘Nichakuneka marasimio gha wueli na gha loli agho neremlaghirieghe Daudi.’

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

WAEBRANIA 6:19

Isi deko na ijo isuwirio jiko sa nanga imange ya irangi jedu, jingiagha kondenyi na kuida pazia na nyuma,

1 SAMUELI 2:35

Nani nichawika mkohani mzima uchaakaia mloli kwapo, nao moni uchabonya agho nighikundagha. Nichamneka kinyumba chimange chichaadumika imbiri ya msaghulwa wapo matuku ghose.

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.