2 SAMUELI 23:20 - Biblia Ilagho Jiboie Kwa Wandu Wose

²⁰ Na Benaia mwana wa Jehoiada orekoghe ing'oni ja Kabseeli, m'bonyi wa maza mbaa. Orebwaghieghe mang'oni awi gha Moabu. Wokoni orengirieghe kinenyi chiko na shimba andenyi; ukaibwagha ngelo theluji ereserieghe.

2 SAMUELI 23:20 ပူးပေါင်းရင်းမြစ်များ

2 SAMUELI 1:23

“Sauli na Jonathani werekoghe wakundwa wikundikie ndewitane jingi kufuma wiko moyo hata kifwa. Werekoghe wiangue kuchumba indu, werekoghe na ndighi kuchumba shimba.

2 SAMUELI 20:23

Joabu orekoghe m'baa wa majeshi ghose gha Israeli; na Benaia mwana wa Jehoiada orekoghe m'baa wa Wakerethi na Wapelethi;

2 SAMUELI 23:19

Orekoghe mundu ukumikie aghadi ya awo mirongo idadu, ukawuya m'baa wawo; ela nderevikieghe wuing'oni ghwa waja wambao wadadu anduangi.

2 SAMUELI 23:21

Sena ukam'bwagha Mmisri umu ughokie uko na ndighi, orekoghe na ifumu mkonunyi kwake, ela Benaia ukamseria na mzata; ukamsoka ifumu jake na kum'bwagha uja Mmisri na ifumu jake jeni.

2 SAMUELI 23:22

Agha nigho malagho gherebonyeroghe ni Benaia mwana wa Jehoiada, ukakupatira irina aghadi ya ghaja mang'oni mirongo idadu.

2 SAMUELI 8:18

na Beraia mwana wa Jehoiada ukakaia aighu ya Wakerethi na Wapelethi; na wana wa Daudi wikakaia wakohani.

1 WAZURI 1:26

Ela ini mdumiki wako, na mkohani Zadoku na Benaia mwana wa Jehoiada, na mdumiki wako Solomoni ndedikaribishiro.

1 WAZURI 1:38

Niko mkohani Zadoku, na mlodi Nathani, na Benaia mwana wa Jehoiada, na walindiri wa mzuri, wikasea wikamjosa Solomoni aighu ya nyumbu iyo erekoghe ikijokwa ni Mzuri Daudi; wikamreda hata Gihoni.

1 WAZURI 1:8

Ela mkohani Zadoku, na Benaia mwana wa Jehoiada, na mlodi Nathani, na Shimei, na Rei, na walindiri wa mzuri ndewerewadaneghe na Adonija anduangi.

1 WAZURI 2:46

Nao ukamzera Benaia mwana wa Jehoiada ughende um'bwaghe. Ukaghenda ukamkaba, nao ukafwa. Solomoni ukaghumangisha ugho wuzuri.

1 MALAGHO GHA NGELO 12:8

Korekoghe na wandu werefumieghe Gadi wikamghendia Daudi ngomenyi kireti, mang'oni ghiwadie ndighi na wuya, wiichi kutumia ngao na mafumu, wibirie sa shimba, wiangue sa shaa ra mighondinyi.

1 MALAGHO GHA NGELO 18:17

Benaia mwana wa Jehoiada orekoghe m'baa wa walindiri wa mzuri, na wana wa Daudi werekoghe wabaa wa wudumiki ghwa mzuri.

KUFUMA 15:15

Idana wabaa wa Edomu wichangilwa ni kiture, vilongozi va Moabu vawadwa ni kusughusika. Awo wose wikaiagha Kanaani wateweleka.

JOSHUA 15:21

Iyo mizi werenekeloghe nokoisi cha kusinyi, iyo erekoghe kaavui na mpaka ghwa Edomu erekoghe Kabzeeli, Ederi, na Jaguri,