2 SAMUELI 23:19 - Biblia Ilagho Jiboie Kwa Wandu Wose

¹⁹ Orekoghe mundu ukumikie aghadi ya awo mirongo idadu, ukawuya m'baa wawo; ela nderevikieghe wuing'oni ghwa waja wambao wadadu anduangi.

2 SAMUELI 23:19 ပူးပေါင်းရင်းမြစ်များ

2 SAMUELI 23:13

Kaavui na ngelo ya makuwido, wandu wadadu wa awo mirongo idadu wereserieghe kwa Daudi iji orekaieghe mbangenyi aja Adulamu, na bonjo ya Wafilisti werekoghe wabonya kambi vololonyi ya Refaimu.

2 SAMUELI 23:16

Nao mang'oni adadu wikakufungisha ndighi kuida aghadi ya kambi ya Wafilisti, wikadaya machi kiriwenyi cha Bethlehemu, chiko kaavui na mbenge, wikamredia Daudi. Ela Daudi ukalegha kughinywa, na wulalo ghwaro ukaghifunya kizongona kwa BWANA kwa kughidia andonyi;

2 SAMUELI 23:18

Abishai mruna Joabu mwana wa Seruia, orekoghe m'baa wa vilongozi mirongo idadu. Ukawusa ifumu jake na kuwibwagha wandu maghana adadu; ukakupatira irina aghadi ya awo mirongo idadu.

2 SAMUELI 23:20

Na Benaia mwana wa Jehoiada orekoghe ing'oni ja Kabseeli, m'bonyi wa maza mbaa. Orebwaghieghe mang'oni awi gha Moabu. Wokoni orengirieghe kinenyi chiko na shimba andenyi; ukaibwagha ngelo theluji ereserieghe.

2 SAMUELI 23:9

Uo wa kawi wa awo wabaa wadadu ni Eleazari mwana wa Dodo wa kinyumba cha Ahohi. Orekwanyeghe na Daudi ingelo werewizarumagha Wafilisti awo werekwanyikieghe kwa wuda ima Waisraeli wikakuwunjagha nyuma.

1 MALAGHO GHA NGELO 11:25

Orekumikieghe kwa awo mirongo idadu, ela ndewerevikieghe waja wadadu. Daudi ukammbika m'baa wa walindiri wake.

MATHAYO 13:23

Na ija mbeu iwalo ndoe iwurue, ni sa mundu usikiragha ijo ilagho, najo jamtambukia, nao wadava matunda kwa ighana, na kwa mirongo irandadu, na kwa mirongo idadu.”

MATHAYO 13:8

Ela rimu rikapotoka ndoe iwurue, rikabuka na kuva; imu ighana, na imu mirongo irandadu, na imu mirongo idadu.

1 WAKORINTHO 15:41

Ghoko wubaa ghwa iruwa, ghukakaia wubaa ghwa mori, na ghukakaia wubaa ghwa nyerinyeri; hata na nyerinyeri naro nderifwanane kwa mawubaa ghawo anduangi.