2 SAMUELI 23:18 - Biblia Ilagho Jiboie Kwa Wandu Wose

¹⁸ Abishai mruna Joabu mwana wa Seruia, orekoghe m'baa wa vilongozi mirongo idadu. Ukawusa ifumu jake na kuwibwagha wandu maghana adadu; ukakupatira irina aghadi ya awo mirongo idadu.

2 SAMUELI 23:18 ပူးပေါင်းရင်းမြစ်များ

2 SAMUELI 10:10

na awo wisigharikie ukawiwika aisi ya wulongozi ghwa mruna Abishai, wipate kulwa na Waamoni.

2 SAMUELI 10:14

Waamoni wiendawona kukaia Wasiria wakimbia, nawo weni wikamkimbia Abishai na kungia cha mzinyi kwawo. Niko Joabu ukasigha kulwa na Waamoni, ukawuya cha Jerusalemu.

2 SAMUELI 18:2

Ukaduma mafungu adadu; ifungu jimu jikaie aisi ya wulongozi ghwa Joabu na ifungu ja kawi jikaie aisi ya wulongozi ghwa Abishai mwana wa Seruia, mruna Joabu; na ifungu ja kadadu jikaie aisi ya wulongozi ghwa Itai, Mgiti. Mzuri ukawizera, “Hata nanimoni wori dighendanya wudenyi.”

2 SAMUELI 2:18

Wana wadadu wa Seruia werekoghe aho, nawo ni Joabu, Abishai na Asaheli. Uo Asaheli orekoghe uangue sa shaa kwa iseghe.

2 SAMUELI 20:10

Ela Amasa nderekoghe ukiwona luja lufu lwawadilwa ni Joabu. Niko Joabu ukamdunga nalo kifunyi, na kuwudua mawula ghake andonyi; nao ukafwa, Joabu usewurie kumdunga indo ja kawi. Niko Joabu na mruna Abishai wikamnugha Sheba mwana wa Bikri.

2 SAMUELI 23:19

Orekoghe mundu ukumikie aghadi ya awo mirongo idadu, ukawuya m'baa wawo; ela nderevikieghe wuing'oni ghwa waja wambao wadadu anduangi.

2 SAMUELI 3:30

Niko huwo Joabu na mruna Abishai wikam'bwagha Abneri angu orebwaghieghe mruna Asaheli wudenyi aja Gibeoni.

1 MALAGHO GHA NGELO 2:16

na waruna wa waka werekoghe Zeruia na Abigaili. Wana wa Zeruia ni Abishai, Joabu na Asaheli; ni wadadu.

MCHILI 4:12

Hata ngera mundu wadima kumsima mmbao uko uekeri, wikakaia wawi wichamtangala. Kamba ya chuwiriro idadu, ndeidumbukagha kwa shwa-shwa.