2 SAMUELI 23:10 - Biblia Ilagho Jiboie Kwa Wandu Wose

¹⁰ Orewukieghe na kuwikaba Wafilisti hata mkonu ghwake ghukasilwa, ukamaziria lufu lwake, na BWANA ukabonya wusimi m'baa ituku ijo; wandu weechawuya tu kurua wafu maswagha.

2 SAMUELI 23:10 ပူးပေါင်းရင်းမြစ်များ

2 SAMUELI 23:12

Ela Shama ukamanga gi ghadi na ghadi ya ija mbuwa; ukailindia na kuwibwagha Wafilisti; BWANA ukampatira wusimi m'baa.

2 WAZURI 5:1

M'baa wa majeshi gha mzuri wa Siria, uwangwaghwa Naamani, orekoghe m'baa unekelo ishima na kukundwa ni mzuri, angu nuo oretumiloghe ni BWANA kuwiredia Wasiria wusimi; orekoghe mundu m'baa uwadie ndighi, ela orekoghe na sima.

1 MALAGHO GHA NGELO 11:13

Orekwanyeghe na Daudi aja Pas Damimu iji Wafilisti werekwanyikieghe aho kwa wuda. Korekoghe na mbuwa ichue shairi, na wandu wikawikimbia Wafilisti.

ZABURI 108:13

Dikakanya na Mlungu dichasima; uo uchawiwadia-wadia wamaiza wedu.

ZABURI 144:10

Kwadawisimisha wazuri, na kumvuvua mdumiki wako Daudi.

ZABURI 68:12

“Wazuri na majeshi wiakimbia na iseghe!” Waka wiko mzinyi wiawagha mali riwadilo:

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

WAROMA 15:18

Angu sidimagha kudeda ilagho jingi izima, ela ijo jeni Kristo ujibonyere ukinitumia, ja kuwibonya wandu wa mbari zima wimsikire Mlungu. Nao orebonyereghe huwo kwa madedo na kwa mabonyo wori;

2 WAKORINTHO 4:5

Angu ndediwuekuchila isi diweni anduangi, ela daawuyamchila Jesu Kristo kukaia Bwana, na isi kukaia wadumiki wenyu kwa wundu ghwa Jesu.

JOSHUA 10:10

BWANA ukawiredia Waamori kiture kibaa imbiri ya Waisraeli; na Waisraeli wikawibwagha wandu wengi nandighi aho Gibeoni na kuwiwinga cha mshoromoto ghwa Beth-horoni, wikawikaba hata wikavika Azeka na Makeda.

JOSHUA 10:42

Joshua ukawada wazuri awo wose na masanga ghawo kwa ngelo imweri, kwa kukaia BWANA Mlungu wa Israeli orekoghe ukiwiluya Waisraeli.

JOSHUA 11:8

BWANA ukawineka Waisraeli wusimi aighu yawo, wikawikaba na kuwiwinga hata kaskazinyi ya Misrefoth-maimu na cha Sidoni Mbaa na cha mashariki hata vololo ya Mispa; wikawikaba na kuwibwagha wose hata wisesighe ungi.

WATANYI 15:14

Nao iji wavika Lehi, Wafilisti wikamkimbiria wikikema; Roho wa Bwana ukamchea aighu yake kwa ndighi mbaa na rija kamba rerekoghe mikonunyi kwake, rikawuya sa uzi wa kitani wahia, rikapotoka kufuma mikonunyi kwake.

WATANYI 15:18

Niko Samsoni ukasikira kau loli loli, ukammbanga BWANA ukamzera, “Oho kwadineka kusima kubaa kwa mkonu ghwa mdumiki wako: da niafwa ni kau na kughwa mkonunyi kwa awa wandu wiseshamishiro?”

1 SAMUELI 11:13

Ela Sauli ukaghamba, “Ii hata, mndungi ndebwaghwaa idime, kwa kukaia ituku iji BWANA wawiredia Israeli kukia.”

1 SAMUELI 14:23

Niko huwo ituku ijo BWANA ukawikira Israeli. Wuda ghukaenda imbiri hata kuida kimonu cha Beth-aveni.

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”

1 SAMUELI 17:53

Waisraeli wikawuya kufuma kuwiwinga Wafilisti, wikawada kambi yawo.

1 SAMUELI 19:5

kwa kukaia orewikieghe irangi jake ndengonyi, ukam'bwagha uja Mfilisti Goliathi; na BWANA ukareda wusimi m'baa kwa Waisraeli wose. Oho kumoni kwawonie kukaboilwa; kwaki sena kukunde kubonya kaung'a edia bagha isewadie ikosa jingi, kwa kum'bwagha Daudi duu?”