2 SAMUELI 22:44 - Biblia Ilagho Jiboie Kwa Wandu Wose

⁴⁴ “Oho kwanikirie na nganyi ra wandu wapo, kukaniwika nikaie kilongozi cha mbari ra wandu; hata nawuyadumikilwa ni wandu niserewimanyireghe.

2 SAMUELI 22:44 ပူးပေါင်းရင်းမြစ်များ

2 SAMUELI 19:14

Malagho gha mzuri ghikangia ngolonyi kwa wandu wa Juda wose sa mundu umweri; wikaduma malagho kwa mzuri wikighamba, “Wuya chiaimweri na wadumiki wako wose.”

2 SAMUELI 19:9

Wandu wose wa Israeli werekoghe wikisimana weni na weni wikighamba, “Mzuri wadikirie na wamaiza wedu, sena ukadikira na Wafilisti, na idana hoyu wamkimbia Absalomu na kukaia shighadi ya isanga.

2 SAMUELI 20:22

Niko uja muka ukamara kwa wandu wose ukitumia suku rake, wikachidumbua chongo cha Sheba mwana wa Bikri, wikamkumbia Joabu cha shighadi. Nao Joabu ukakaba tarumbeta, na wandu wose wikafumukana; wikaghala kula mundu cha mzinyi kwake. Na Joabu ukawuya kwa mzuri Jerusalemu.

2 SAMUELI 3:1

Wuda aghadi ya majeshi gha kinyumba cha Sauli, na kinyumba cha Daudi ghoredwaeghe matuku mengi. Daudi ukachurikia ndighi, ingelo kinyumba cha Sauli cherekoghe chikichurikia khusilwa ni ndighi.

2 SAMUELI 5:1

Niko mbari yose ya Israeli ikamchea Daudi aho Hebroni ikighamba, “Ola isi de wandu wa bagha imweri na oho.

ZABURI 110:6

Uchatanya wandu wa mbari zima, na kubwagha wandu wengi aghadi kwawo, uchawisima wabaa wa ndoenyi kose.

ZABURI 18:43

Kwanikirie nisesimane na wandu, kukaniwika nikaie m'baa wa mbari ra wandu; wandu niserewiichighi wikanidumikia.

ZABURI 2:8

Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 60:12

Ela mbari ra wandu na wuzuri ugho ghose ghusekudumikiagha oho, ghuchatota; na mbari yaro ichasia toe.

ISAYA 65:1

Mlungu ukaghamba, “Nerekoghe tayari kuwitumbulia wandu wiserenilombieghe jingi, na kukufunukua kwa wandu wiserenilolighe. Ngaizera iyo mbari iserejiwangieghe irina japo kwa malombi, ‘Neko aha, ola neko aha.’

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

HOSEA 2:23

Nichawimangisha wandu wapo isangenyi, na kuwibonya wiwone mecha. Nichawiwonyera lukundo kwa awo werewangiloghe ‘Wisekundo;’ kwa awo werewangiloghe, ‘Si wandu wapo wangi.’ Nichaghamba, ‘Mo wandu wapo’ nawo wichatumbulia ‘Ko Mlungu odu.’”

WAROMA 15:12

Na Isaya wachuria kughamba, “Mndumu uchacha wa kichuku cha Jese, kuwibonyera nguma wandu wa mbari zima; nawo wichasuwiria kwake.”

WAROMA 9:25

Sa iji koni waghamba chuonyi kwa Hosea, “Awo wiserekoghe wandu wapo, nichawiwanga ‘Wandu wapo’, na uo userekoghe mkundwa, nichammbanga ‘Mkundwa wapo.’

WUKUMBUSO 28:13

BWANA uchakubonya kukaie kilongozi, na oho ndekuchaalongozwa anduangi; kukawadia agho malaghiro gha BWANA Mlungu wako kara kara seji nikulaghiragha idime, kuchadua ighu hata ndekuchakaia wa ndonyi jingi;

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”