2 SAMUELI 22:31 - Biblia Ilagho Jiboie Kwa Wandu Wose

³¹ U Mlungu, chia rake reeka rikatie, malaghiro gha BWANA ghawonyera kukaia gha loli. Uo ni sa ngao kwa wose wikimbiriagha wulindiri ghwake.

2 SAMUELI 22:31 ပူးပေါင်းရင်းမြစ်များ

2 SAMUELI 22:3

nadakuvisa andenyi ya Mlungu wapo na mlindiri wapo uo ni ngao yapo na kukia kwapo; ni ngome yapo imange, na andu kwapo kokimbiria. Oho mkiri wapo kwadanikira na wakorongi.

NEHEMIA 9:8

Koremmbonieghe kukaia mloli kwako, kukam'bonyera ilaghano. Koremlaghirieghe kumneka isanga ja Wakanaani, na isanga ja Wahiti na Waamori; isanga ja Waperizi na ja Wajebusi, na Wagirgashi, jikaie isanga jichaakailwa ni kivalwa chake. Kukakatisha ilaghiro jako angu korekoghe mloli.

AYUBU 34:10

“Kwa huwo nisikirienyi inyo wandu mtambukilwagha. Ndeidimikagha putu Mlungu kubonya mawiwi; Uo-Uwadie-Ndighi-Rose ndedimagha kubonya makosa.

ZABURI 119:140

Ilaghiro jako jarumirikie putu, na ini mdumiki wako najikunde.

ZABURI 12:6

Malaghiro gha BWANA ni gha loli, gheeka sa feza ieleshero kwa modo mando mfungade.

ZABURI 145:17

BWANA ni mhachi kwa ghose ubonyagha, nao ni wa wughoma kwa mabonyo ghake ghose.

ZABURI 18:30

Uhu Mlungu, chia yake ni ya loli putu, malaghiro ghake gheko na wuloli; uo wadawilindia wose wikusaghikagha kwake.

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

ZABURI 35:2

Wada ngao na kangao kuwuke kunitesie.

ZABURI 84:9

Mrasimie Mzuri odu ee Mlungu; kumzighane uo Msaghulwa wako.

ZABURI 91:4

Uchakufinikira na mawawa ghake, nao uchakulindia kukaie banana. Wuloli ghwake ghuchakutesia na kukulindia.

MAKATANISHO 30:5

“Mlungu wadakatisha kula ilaghiro jake. Uo ni ngao kwa wose wikusaghikagha kwake.

MCHILI 3:14

Naichi kukaia kula kindo Mlungu uchibonyagha chiadua. Ndeidimikagha kuchuria angu kupunguza kilambo chingi; Mlungu oobonya huwo wadamu wipate kumuobua.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.