2 SAMUELI 22:3 - Biblia Ilagho Jiboie Kwa Wandu Wose

³ nadakuvisa andenyi ya Mlungu wapo na mlindiri wapo uo ni ngao yapo na kukia kwapo; ni ngome yapo imange, na andu kwapo kokimbiria. Oho mkiri wapo kwadanikira na wakorongi.

2 SAMUELI 22:3 ပူးပေါင်းရင်းမြစ်များ

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

2 SAMUELI 22:31

U Mlungu, chia rake reeka rikatie, malaghiro gha BWANA ghawonyera kukaia gha loli. Uo ni sa ngao kwa wose wikimbiriagha wulindiri ghwake.

2 SAMUELI 22:47

“BWANA oko moyo; uo mlindiri wapo ndekaso; Mlungu wapo ndekumo nandighi, uo uko mlindiri na mikiri wapo

2 SAMUELI 22:49

uo unikirie na kunifunya kwa wamaiza wapo. Oho kwanijosere ighu aighu ya wakorongi wapo, kukanikira na wang'eti.

2 SAMUELI 22:51

Mlungu wadamneka wusimi m'baa uo mzuri wake ummbikie, na kuwonyera lukundo lukatie kwa mshingwa mavuda wake; uo Daudi na kivalwa chake kwa kala na kala.”

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

ZABURI 14:6

Inyo wawiwi, mwadainona mipango ya mkiwa; ela BWANA wadamlindia.

ZABURI 140:1

Kunikire na wandu wawiwi ee BWANA; kunilindie na wandu wing'etere.

ZABURI 140:11

Mzighirii usewone nicha isangenyi; mng'eti ndepato ni wuwiwi shwa.

ZABURI 140:4

Kunilindie na ndighi ra wandu wawiwi ee BWANA; kuniwike kula na wandu wing'etere, wibonyagha njama enighusha.

ZABURI 142:4

Ngeduazighana ii chia, siwonagha mndungi onitesia, hata onilindia mndungi onitala ndeuko.

ZABURI 144:2

Uo ni mlindiri na mdederii wapo; ni ngome na mkiri wapo; nadamrumiria kwa wubanana ghwapo. Wadariwika mbari zima aisi yapo.

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 27:5

Ngelo ya wasi uchaniwika kijunyi kwake; uchanivisa Hekalunyi kwake, na kuniwika ighu aighu ya igho.

ZABURI 28:7

BWANA ni ndighi rapo na ngao yapo; nadamrumiria, nao wadanitesia. Ngolo yapo yaboilwa nandighi; nani nichamfunyira chawucha kwa kum'boria lumbo.

ZABURI 3:3

Ela oho ko ngao enilindia ee BWANA, ni oho kunisimiagha, na kunikumba ngolo.

ZABURI 32:7

Oho ko andu kwapo kokuvisa; kwadanilindia nisepato ni wasi; na kunimara na izungu ja wabori.

ZABURI 46:1

Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 46:2

Kwa huwo, hata ngera ndoenyi kwaghaluka, na mighondi kuwuduka ghadi na ghadi ya bahari, ndedichaaobua.

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 5:12

Angu oho kwadamrasimia mhachi ee BWANA, kwadamfinikira wucha, sa kumlindia na ngao.

ZABURI 55:9

Kunone mipango yawo ee BWANA, kuwivurughe madedo ghawo; kwa kukaia naawuyawona nganyi na marashano mzinyi.

ZABURI 59:16

Ela ini nichabora malagho gha ndighi rako, kula nakesho, nichaghibora agho gha lukundo lwako lukatie. Oho korekoghe ngome na andu kwapo kokimbiria ngelo ya wasi.

ZABURI 61:3

Angu oho ko andu kwapo kokimbiria, mnara ghumange ngelo elwa na m'maiza.

ZABURI 71:7

Ini nakaie sa kilambo cheshinikilwa kwa wengi, ela oho ko andu kwapo kumange kokimbiria.

ZABURI 72:14

Awo wikorongwaghwa na kubonyerwa kinyanya wadawikombua; wawona seji irangi jawo jiko ja zoghori mbaa.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 84:9

Mrasimie Mzuri odu ee Mlungu; kumzighane uo Msaghulwa wako.

ZABURI 86:14

Wandu wikukasire wawuka wilo nani ee Mlungu; bonjo ya wandu wa kinyanya waawuyalola kunibwagha, hata ndewikutalagha oho.

ZABURI 9:10

Na awo wikuichi wadakusaghika kwako, angu oho ee BWANA ndekuwisighie awo wikulolagha anduangi.

ZABURI 9:9

BWANA nuo andu kokimbiria kwa uo ukorongwagha, ni ngome imange ngelo ya wasi.

KUFUMA 15:2

BWANA nuo ndighi rapo na lumbo lwapo, nao wawuya kukia kwapo; Uhu nuo Mlungu wapo, nani nichamkasa; ni Mlungu wa aba, nani nichamkuma.

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

MAKATANISHO 30:5

“Mlungu wadakatisha kula ilaghiro jake. Uo ni ngao kwa wose wikusaghikagha kwake.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 45:21

Choonyi mghore mashitakio ghenyu worinyi, wipate kughibonyera njama chiaimweri. Nani oreghighorieghe agha konkala uko, nani oreghifunukueghe kokala, Welee, si ini moni BWANA? Hata ndekuwadie mlungu ungi mzima kuchumba ini, Mlungu wa hachi na Mkiri, ndekuwadie ungi kunichumba Ini putu.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 16:9

Angu ini BWANA wa majeshi uo Mlungu wa Israeli naghamba, Nichanyamirisha chwaka ra kuboilwa na maseko ra wandu wiko aha kukiwona, ngelo ya matuku ghako, hata chwaka ra bwana na bibi arusi nderichaasikirika anduangi.

LUKA 1:47

na roho yapo yaboilwa ni Mlungu Mkiri wapo;

LUKA 1:69

Sena wadiwusiria ing'oni jekira, nyumbenyi kwa mdumiki wake Daudi.

LUKA 1:71

angu uchadikira kufuma kwa wamaiza wedu; na kwa mikonu ya wose widimenyagha;

WUKUMBUSO 32:37

Niko BWANA uchawikotia wandu wake, ‘Iyo milungu iwadie ndighi moreirumirieghe eko hao?

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.

TITO 3:4

Ela iji wucha na wughoma ghwa lukundo lwa Mlungu Mkiri odu ghorewonekieghe,

TITO 3:6

uo Mlungu oremdirieghe aighu kodu kwa wungi, kwa chia ya Jesu Kristo Mkiri odu;

WAEBRANIA 2:13

Na sena, “Nichawika isuwirio japo kwa Mlungu.” Na sena, “Neko aha chiaimweri na wana Mlungu uninekie.”

1 SAMUELI 2:1

Na wokoni Hana ukalomba ukighamba, “Ngolo yapo yaboilwa andenyi ya BWANA, nani nachulwa ni ndighi ra BWANA; nawiseka wamaiza wapo, angu niboilwagha ni kukia kwake Mlungu.

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.