2 SAMUELI 22:29 - Biblia Ilagho Jiboie Kwa Wandu Wose

²⁹ Ee, oho koko taa yapo ee BWANA, na oho Mlungu wapo kwadanilangalishira kira chapo.

2 SAMUELI 22:29 ပူးပေါင်းရင်းမြစ်များ

2 SAMUELI 21:17

Ela Abishai mwana wa Seruia, ukacha kumtesia Daudi, nao ukamkaba na kum'bwagha uja Mfilisti. Niko wandu wa Daudi wikamghemesha kukaia ndechaaghendanya nawo wudenyi sena, angu uo ni sa taa ya Israeli, icherima.

1 WAZURI 11:36

Ela nichamsighia mwana wake kichuku chimweri uchibonyere nguma, eri nikaie na kivalwa cha mdumiki wapo Daudi chebonya nguma Jerusalemu matuku ghose, ugho muzi nereghusaghueghe nitasoghe aho.

AYUBU 29:3

Ngelo iyo, Mlungu orekoghe andwamweri nani ngelo rose; ukawuya mwengere ghwapo iji nerekoghe ngighenda kirenyi.

ZABURI 112:4

Mwengere ghwadalangala akirenyi, kwa wandu wiko wa mvono, na wughoma, na hachi.

ZABURI 18:28

Ee BWANA, oho kwanilangalishira mwengere; na kuchiwinga kira chapo.

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 4:6

Weko wandu wengi wighoragha, “Diwonia hao wucha ghungi?” Kudizighane kwa wughoma ghwako ee BWANA.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 97:11

Wahachi walangalishirwa mwengere, na awo wiko na ngolo ndicha waboilwa.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

JOHANE 12:46

Ini nachee kukaia mwengere wurumwengunyi, eri uhu unirumiriagha usesigharike kirenyi.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.