2 SAMUELI 22:24 - Biblia Ilagho Jiboie Kwa Wandu Wose

²⁴ Serewadieghe ikosa jingi imbiri kwake, nani nerekulindirieghe nimoni nisebonye wuwiwi.

2 SAMUELI 22:24 ပူးပေါင်းရင်းမြစ်များ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

KUZOYA 7:1

Nao BWANA ukamzera Nuhu, “Ngia safinenyi, na kinyumba chako chose; angu nakuwona oho kukaia na hachi aghadi ya kivalwa ichi.

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

ZABURI 17:1

Sikira kuvoya kwapo kwa hachi, na kililo chapo ee BWANA. Degha kudu kusikire malombi ghapo ghiseko na wukalo ghungi.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

2 WAKORINTHO 5:11

Kwa huwo, isi dikimanya kuja kuobua kwa Mlungu seji kuko, dawishingira wandu; ela seji diko, Mlungu waichi; nani nasuwiria hata nia renyu wori radiichi.

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

WAKOLOSAI 1:21

Na inyo ngelo rimu morekoghe kula na Mlungu, mkikaia wamaiza wake, kwa wundu ghwa mabonyo na maririkanyo ghenyu ghizamie.

WAKOLOSAI 1:22

Ela idana, wampatanishire na uo moni kwa chia ya kifwa cha Mwana wake, uko na mumbi ghwa nyama; upate kumreda inyo imbiri kwake wandu wielie, msewadie iboli hata ikosa jingi.

WAEBRANIA 12:1

Kwa huwo na isi wori, kwa kukaia damarwa ni iwingu ibaa ja washahidi jing'ane huwu, ndediinje kula kighirio, na iyo kaung'a idikakadiagha na ndighi; dikimbie kwa kurumaghia, kwa kuja kuisana kuwikilo imbiri kodu