2 SAMUELI 22:22 - Biblia Ilagho Jiboie Kwa Wandu Wose

²² Kwa kukaia nererilindirieghe chia ra BWANA, hata seretaneghe na Mlungu wapo kwa kubonya wuwiwi anduangi.

2 SAMUELI 22:22 ပူးပေါင်းရင်းမြစ်များ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

1 WAZURI 9:4

Na oho kukanidumikia kwa ngolo na wuloli sa ndeyo Daudi, na kubonya agho ghose nikulaghirie, kwa kuiwadia memu yapo na sharia rapo,

ZABURI 119:1

Warasimilwa awo wisewadie ikosa jingi, widuagha moyo kwa kunugha sharia ya BWANA.

ZABURI 125:5

BWANA uchawikumba noko chiaimweri na wabonyi mawiwi, awo wighalukagha na kunugha chia rawo rizamie. Sere ndeikaie kwa Israeli.

ZABURI 128:1

Warasimilwa kula mundu umuobugha BWANA, na kunugha sharia rake.

ZABURI 18:1

Ee BWANA ndighi rapo, nakukunde nandighi.

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

MAKATANISHO 8:32

“Idana wana wapo, nisikirenyi. Warasimilwa awa wibonyagha seji nighoragha.

ZEFANIA 1:6

Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

MITALO 16:15

Musa ukazamilwa nandighi ukamzera BWANA, “Kuserumirie kizongona chawo. Ini siwusire punda wa mndungi, hata sim'bonyere mndungi wawo ilagho jingi anduangi.”

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

1 SAMUELI 12:3

Shuhudienyi idana aighu yapo imbiri ya BWANA na imbiri ya mzuri umsaghue. Ni ng'ombe yani niiwusire? Angu nawusire punda wani? Nani nimsokie kindo chingi angu kumkoronga? Nani unihongie ukanibwagha meso? Shuhudienyi aighu yapo, na ini nichammbunjira.”