2 SAMUELI 22:21 - Biblia Ilagho Jiboie Kwa Wandu Wose

²¹ “BWANA oreninekieghe kara kara na mabonyo ghapo gha hachi, ukanilipa angu niserebonyereghe ikosa jingi.

2 SAMUELI 22:21 ပူးပေါင်းရင်းမြစ်များ

2 SAMUELI 22:25

Kwa huwo BWANA wanilipa karakara na mabonyo ghapo gha hachi, angu nisewadie ikosa jingi imbiri kwake.

1 WAZURI 3:6

Solomoni ukaghamba, “Oho kwamerie kuwonyera lukundo lubaa lukatie kwa mdumiki wako aba Daudi, angu orekoghe ukighenda imbiri kwako kwa wuloli, na hachi, na kwa ngolo yose. Niko kukam'bonyera ulo lukundo lubaa, kukamneka mwana wa womi upate kuchiseria kifumbi chake cha nguma idime.

1 WAZURI 8:32

kusikire aho kwako mlungunyi ee BWANA, kuwitanye wadumiki wako. Kumkabe mkosi seji imfwane, na kumlekeria uo usewadie ikosa.

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

ZABURI 19:11

Ghanifundisha ini mdumiki wako; ngaghiwadia nichapata mafungu mabaa.

ZABURI 24:4

Ni mundu usebonyagha kiwiwi, uko na ngolo ielie; usetasagha milimu, hata kughema kwa tee.

ZABURI 7:8

BWANA kwawuyatanya wandu; kunitanye ee BWANA, kunughana na hachi yapo; kunughana na wucha ghuko andenyi kwapo.

MAKATANISHO 11:31

Ikakaia mhachi ualipilwa ahaeni ndoenyi, mundu mmbiwi na mkaung'a wilipwa saki!

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

1 SAMUELI 26:23

BWANA wadamlipa kula mundu kunughana na hachi na wuloli ghwake; kwa kukaia BWANA wakungirieghe mikonunyi kwapo idime, ela nalegha nisem'bonye kiwiwi chingi mshingwa mavuda wa BWANA.