2 SAMUELI 21:7 - Biblia Ilagho Jiboie Kwa Wandu Wose

⁷ Ela mzuri ukamkira Mefiboshethi mwana wa Jonathani, nao ni wawae Sauli; kwa kukaia orebonyereghe ighemi na Jonathani mwana wa Sauli imbiri ya BWANA.

2 SAMUELI 21:7 ပူးပေါင်းရင်းမြစ်များ

2 SAMUELI 16:4

Mzuri ukamzera Siba, “Ola iro rose rerekoghe ra Mefiboshethi richawuya rako.” Siba ukaghamba, “Nawusa kwa chawucha; elaima nirumirie nikudumikieghe bwana wapo mzuri kwa kala na kala.”

2 SAMUELI 19:25

Nao iji Mefiboshethi wasea kummara mzuri kufuma Jerusalemu, mzuri ukamzera, “Kwaki kusereghendanyeghe nani Mefiboshethi?”

2 SAMUELI 4:4

Jonathani mwana wa Sauli orekoghe na mwana wa womi uko na maghu ghikelemere. Orekoghe mwana wa irika ja miaka misanu, ingelo malagho gha Sauli na Jonathani ghereredeloghe kufuma Jezreeli, Mreri wake ukamduka ukakimbia. Ela iji orekoghe ukikimbia na iseghe, uo mwana ukapotoka ukashoghonoka na kuwuya mkelemeri; na irina ja uo mwana ni Mefiboshethi.

2 SAMUELI 9:1

Nao Daudi ukaghamba, “Ngera oko mndungi usigharikie wa kivalwa cha Sauli, nipate kum'bonyera mecha kwa wundu ghwa Jonathani?”

2 SAMUELI 9:10

Na oho, chiaimweri na wana wako, na wadumiki wako, mchakaia mkiilima iyo ndoe kwa wundu ghwake, na kureda mavalo gharo; eri mwana wa bwana wako usesowe kindo cheja. Ela Mefiboshethi moni, uo mwana wa bwana wako, uchakaia ukija mezenyi kwapo matuku ghose.” Siba orekoghe na wana wa womi ikumi na wasanu, na wadumiki mirongo iwi.

2 SAMUELI 9:6

Mefiboshethi mwana wa Jonathani, wawae Sauli ukacha kwa Daudi; ukaghwa kiwushu-wushu kwa ishima imbiri ya Daudi. Daudi ukammbanga, “Mefiboshethi!” Ukadika, “Neko aeni mdumiki wako.”

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

MCHILI 8:2

Kumsikire mzuri, hata kusebonye malaghiro kwa Mlungu kwa shwa-shwa.

1 SAMUELI 18:3

Nao Jonathani ukabonya ilaghano na Daudi, kwa kukaia oremkundieghe seji ukukunde moni.

1 SAMUELI 20:12

Nao Jonathani ukamzera Daudi, “BWANA, uo Mlungu wa Israeli, ukaie mshahidi! Nichazighana malagho gha aba kesho angu lawuke ngelo sa ihi, kukunda kumanya malagho ghako; ngawona ndena ilagho jingi na oho, nichakudumia momu.

1 SAMUELI 20:15

sena kuduo mloli kwa nyumba yapo matuku ghose, ingelo BWANA wakainja wamaiza wako wisewoneke ndoenyi;

1 SAMUELI 20:17

Nao Jonathani ukamghemesha Daudi sena, aighu ya ilaghano jekundana werejibonyereghe; kwa kukaia oremkundieghe seji koni ukukunde moni.

1 SAMUELI 20:42

Jonathani ukamzera Daudi, “Ghenda na sere. Kwa kukaia daghemiana kwa irina ja BWANA dikighamba, ‘BWANA ukaie aghadi kodu, na kwa kivalwa chedu matuku ghose.’” Daudi ukawuka ukaghenda; na Jonathani ukaghala cha mzinyi.

1 SAMUELI 20:8

Kwa huwo kunitesie kwa wughoma ghwako ini mdumiki wako, angu kwameria kunibonyera ini mdumiki wako ilaghano jielie. Ela ngera nakubonyere wuwiwi ghungi, kunibwaghe kumoni. Da eko hajaki ya kusindanighenja kwa ndeyo niendebwaghwa?”

1 SAMUELI 23:18

Nao waja wandu wawi wikabonyerana ilaghano imbiri ya BWANA. Daudi ukasigharika aja Horeshi, na Jonathani ukaghala.

1 SAMUELI 24:22

Nao Daudi ukam'bonyera Sauli ighemi; niko Sauli ukaghala ela Daudi na wandu wake wikawuya cha andu kwawo kokuvisa.