2 SAMUELI 21:16 - Biblia Ilagho Jiboie Kwa Wandu Wose

¹⁶ Ishbi-benobu umu wa waja majitu, uhu ifumu jake ja shaba jerekoghe na wulemeri ghwa kilo idadu na nusu, na lufu lwake luwishi, ukaririkanya kum'bwagha Daudi.

2 SAMUELI 21:16 ပူးပေါင်းရင်းမြစ်များ

KUZOYA 14:5

Mwaka ghwa ikumi na inya, Kedorlaoma na wazuri wose werekwanyeghe nao, wikawikaba Warefai aja Ashterothi Kanaimu, na Wazuzi aja Hamu, na Waemi aja Shawe wurindi ghwa Kiriathaimu,

KUZOYA 6:4

Kufuma ngelo ija na konyuma, Wanefilimu werekoghe wikilowua wai wa wadamu, na kuva wana. Awo niwo wandu werekoghe mang'oni wikumikie matuku ghaja.

2 SAMUELI 21:18

Nyuma ya ugho wuda, ghukabuka wuda ghumu sena na Wafilisti aja Gobu; niko Sibekai, Mhushathi ukam'bwagha Safu, uo orekoghe umu wa kivalwa cha majitu.

2 SAMUELI 21:20

Wuda ghumu ghukabuka sena aja Gathi, aho korekoghe na mundu mlacha nandighi, mikonu yake erekoghe na vala virandadu kula ghumu, na mano arandadu kula lwau; vose ni mirongo iwi na vina; nao moni orekoghe wa kivalwa cha majitu.

2 SAMUELI 21:22

Awa bana werekoghe kivalwa cha majitu gha Gathi, wikabwaghwa ni Daudi, na wandu wake.

2 SAMUELI 5:18

Wafilisti wikacha na kusasarika andenyi vololonyi ya Refaimu.

MITALO 13:22

Wikajoka, wikangia Negebu, hata wikacha Hebroni; andu kichuku cha Ahimani, Sheshai, na Talimai wa kivalwa cha Anaki werekoghe. (Muzi ghwa Hebroni ghoreaghiloghe miaka mfungade imbiri Soani ghwa Misri ghuseaghilo.)

MITALO 13:28

Elaima, waisanga ni wandu wiko na ndighi, na mizi ni ya ngome, nayo ni mibaa nandighi, na isekate, dawiwonie wandu wa kivalwa cha Anaki aho.

WUKUMBUSO 1:28

Dijoka cha hao? Wanidu wadibwagha ngolo wikighamba, awo wandu ni wabaa, sena ni walacha kudichumba, mizi nayo ni mibaa iko na ngome riaghilo na kuvika mawingunyi; sena dawiwonie Waanaki aho.’

WUKUMBUSO 2:10

(Waeni niwo werekoghe aho kala, wandu wabaa wiko wengi na walacha sa Waanaki;

WUKUMBUSO 2:11

awo Waanaki wedemanyika sa Warefai, ela Wamoabu wadawiwanga Waemi.

WUKUMBUSO 2:21

Awo wandu werekoghe wabaa sena wengi, nawo werekoghe walacha sa Waanaki; ela BWANA ukawitotesha, na Waamoni wikawisoka ijo isanga na kujikaia weni;

WUKUMBUSO 3:11

(Ogu mzuri wa Bashani nuo oresigharikieghe uekeri wa agho masighariko gha Warefai. Wuli ghwake ghorekoghe ghwa chuma, nagho ghwaduagha ghukiwoneka aho Raba kwa Waamoni; ghorekoghe na wulacha ghwa meta inya na wushapa ghwa kaavui meta iwi kunughana na vipimo va matuku ghose).

WUKUMBUSO 9:2

Wandu waro ni Waanaki aweni muwiichi; ni wandu wabaa, na inyo mwasikire kukaia ndekuwadie mndungi udimagha kulwa nawo.

JOSHUA 11:22

Ndekoresigharikieghe Waanaki wangi andenyi ya mizi ya Israeli, ela weresigharikieghe watinieri andenyi ya Gaza, Gathi, na Ashdodi.

JOSHUA 15:14

Kalebu ukawiwinga wandu wa kivalwa cha Waanaki wifume ugho muzi, nawo ni kichuku cha Sheshai, Ahimani, na Talmai.

1 SAMUELI 17:7

Mbela ya ifumu jake erekoghe ndifu sa kilingo cheluka uzi, wulemeri ghwa ijo ifumu ja chuma hata mdonyi ghwaro jerekoghe na wulemeri ghwa kilo mfungade. Asikari uo oremdwaiagha ngao ukakiria imbiri kwake.