2 SAMUELI 21:12 - Biblia Ilagho Jiboie Kwa Wandu Wose

¹² Daudi ukaghenda na kuwusa maindi gha Sauli na mwana wake Jonathani kufuma kwa wandu wa Jabeshi-gileadi awo wereghiiwieghe kufuma kiwachenyi cha wandu wose aho Beth-shani andu Wafilisti werewinyonyoshereghe ngelo Wafilisti werewibwaghieghe aighu ya Mghondi ghwa Gilboa.

2 SAMUELI 21:12 ပူးပေါင်းရင်းမြစ်များ

2 SAMUELI 1:21

“Inyo mighondi ya Gilboa, mami na vua isewoneke konyu, hata mbuwa renyu risebuke kindo chingi; kwa kukaia aho niko ngao ya ing'oni eredaghiloghe kwa lumenyo ngao ya Sauli ndeichaazugulwa na mavuda sena.

2 SAMUELI 1:6

Uja mundu ukamzera, “Nerekoghe nacha aighu ya Mghondi ghwa Gilboa kwa bahati, na aho ngammbona Sauli ukikusaghika na ifumu jake; na magare na wajoki farasi werekoghe wikimnugha kaavui.

2 SAMUELI 2:4

Niko wandu wa Juda wikacha, wikamdunga Daudi mavuda ukaie mzuri aighu ya Juda. Nao iji Daudi waghorelwa kukaia wandu wimrikie Sauli ni wa Jabeshi-gileadi,

2 SAMUELI 21:11

Daudi uendaghorelwa seji Rispa mwai wa Aia, uo muka owika wa Sauli ubonyere,

2 SAMUELI 21:13

Ukaghireda agho maindi gha Sauli na Jonathani na kughiranganya na ghaja gha wandu mfungade werenyonyoshereghe.

1 MALAGHO GHA NGELO 10:1

Nao Wafilisti wikakaia wikilwa na Waisraeli; Waisraeli wikakimbia, na kubwaghwa aighu ya Mgondi ghwa Gilboa.

1 MALAGHO GHA NGELO 10:12

wandu wose wiko mang'oni wikawuka, na kughuwada mumbi ghwa Sauli na ya wana wake wikaireda Jabeshi. Wikairika aisi ya mualoni aho Jebeshi na kufunga tumu matuku mfungade.

1 MALAGHO GHA NGELO 10:8

Nakesho yaro, iji Wafilisti waghenda kuwusa vilambo verekoghe a gharienyi ra wandu, wikammbona Sauli na wana wake wifue aighu ya mghondi ghwa Gilboa.

JOSHUA 17:11

Andenyi ya isanga ja Isakari na Asheri, Manase orepatireghe muzi ghwa Beth-sheani na Ibleani chiaimweri na mizi yaro mitini mitini, chiaimweri na wandu werekoghe mizi ya Dori, Endori, Taanaki, Megido, na mizi yaro mitini ya mbai mbai; muzi ghwa kadadu ni Nafati.

1 SAMUELI 28:4

Wafilisti wikakwanyika na kubonya kambi aja Shunemu. Sauli nao ukawikwanya Waisraeli wose na kubonya kambi aja Gilboa.

1 SAMUELI 31:1

Nao Wafilisti wikalwa na Waisraeli, hata Waisraeli wikakimbia; wikabwaghwa aighu ya mghondi ghwa Gilboa.

1 SAMUELI 31:3

Nao wuda ghukabia nandighi aighu ya Sauli, na wandu wekumba ndana wikamlasa, wikamshoghonua nandighi.

1 SAMUELI 31:4

Nao Sauli ukamzera uja mdawana oremdukiagha maswagha ghake, “Kua lufu lwako kunidunge nalo nisechewadwa ni awandu wiseshamishiro, nao winidunge na kuniseka.” Ela uja mdawana ukalemwa angu oreobueghe nandighi. Kwa huwo Sauli ukaludegha lufu lwake, ukalughuya na kukudunga nalo.