2 SAMUELI 21:10 - Biblia Ilagho Jiboie Kwa Wandu Wose

¹⁰ Niko Rispa mwai wa Aia ukawada nguwo ya igunia, ukakubonyera moni kiwanda ighonyi, kufuma kuzoya kwa makuwido hata vua ikanya aighu ya iyo mimbi. Ukakaia ukiilindia nadime isejigho ni nyonyi na nakio isejigho ni nyamandu ra isakenyi.

2 SAMUELI 21:10 ပူးပေါင်းရင်းမြစ်များ

KUZOYA 40:19

Nyuma ya matuku adadu mzuri uchakufungua, nao uchachidumbua chongo chako na kukuwanika mudinyi, na nyonyi richaja nyama ya mumbi ghwako.”

2 SAMUELI 21:11

Daudi uendaghorelwa seji Rispa mwai wa Aia, uo muka owika wa Sauli ubonyere,

2 SAMUELI 3:7

Sauli orekoghe na muka mzumba orewangwagha Rispa mwai wa Aia. Nao Ishboshethi ukamzera Abneri, “Kwaki kwawuyasela na muka mzumba wa aba?”

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

EZEKIELI 39:4

Uchabwaghwa aighu ya mighondi ya Israeli, chiaimweri na masikari ghake wandu mkwanye. Nichamfunya ujigho ni nyonyi ra kula kichuku rijagha nyama, na nyamandu ra isakenyi.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

JOELI 1:18

Ng'ombe raawuyadoka kwa wasi ghosowa nyasi; ng'ondi raawuyaja wasi wokoni.

JOELI 2:23

“Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

ZEKARIA 10:1

Mlombenyi BWANA vua ngelo ya kimu cha mwaka. BWANA nuo uredagha iwingu ja vua na mshushure; nuo ubonyagha mbuwa rikaie na miwalwa ideghedekie kwa kula mundu.

WUKUMBUSO 11:14

uchanyesha vua kunughana na vimu varo; vua ya sumesu na vua ya kwari; mpate kukuwida viro venyu, divei na mavuda ghenyu.

WUKUMBUSO 21:13

Sena ubadilishe nguwo rake. Uchakaia nyumbenyi ukiwililia wavi wake kwa mori mlazi. Konyuma kwadima kumlowua.

WUKUMBUSO 21:22

“Mundu ukabonya ikosa jifwane ubwagho, ukabwaghwa na kuwanikwa mdinyi,

WUKUMBUSO 21:23

msemsighe mumbi ghwake ghukilala mdinyi ela mumrike ijo ituku jeni. Kwa kukaia mundu uwanikwagha mdinyi, oowasirwa njowe ni Mlungu. Msejilushe isanga jenyu ijo BWANA Mlungu onyu umnekagha jikaie ifwa jenyu.

1 SAMUELI 17:44

ukamzera, “Soghoda, nani nicharineka nyonyi ra mbeonyi nyama yako, na nyamandu ra isakenyi wori.”

1 SAMUELI 17:46

Idime jeni iji, BWANA uchakungira mikonunyi kwapo, nani nichakubwagha na kudumbua chongo chako; nani nicharineka nyonyi ra mbeonyi gharia ra mimbi ya majeshi gha Wafilisti idime, chiaimweri na nyamandu ra isakenyi riko ndoenyi; na ndoenyi kose wandu wichamanya kukaia, oko Mlungu andenyi ya Israeli;