2 SAMUELI 21:1 - Biblia Ilagho Jiboie Kwa Wandu Wose

¹ Matuku gha Daudi, korekoghe na njala inughane kwa miaka idadu; Daudi ukamlomba BWANA aighu ya ilagho ijo. BWANA ukaghamba, “Koko na wuwiwi ghodia bagha kwa Sauli na kivalwa chake; angu werewibwaghieghe Wagibeoni.”

2 SAMUELI 21:1 ပူးပေါင်းရင်းမြစ်များ

KUZOYA 12:10

Korekoghe na njala isangenyi, na Abramu ukasea Misri, ukaie aho kwa ngelo; angu njala erekoghe mbaa.

KUZOYA 26:1

Nao njala zima ikabuka sena iseko ija erekoghe ngelo ra Abrahamu. Isaaka ukaghenda Gerari kwa Abimeleki mzuri wa Wafilisti.

KUZOYA 41:57

Chiaimweri na huwo, wandu wikacha Misri kufuma wurumwengunyi kose kughua vindo kwa Josefu; angu njala erekoghe ibirie wurumwengunyi kose.

KUZOYA 42:5

Niko huwu wana wa Israeli wikaghenda kughua viro chiaimweri na wandu wazima, angu njala erekoghe isanga ja Kanaani wori.

KUZOYA 43:1

Nao njala ikachurikia kukaia mbaa isangenyi.

2 SAMUELI 16:8

BWANA walipa kisasi aighu yako kwa wundu ghwa bagha kuidirie ya wandu wa kinyumba cha Sauli uo kungirie kubonye nguma, wulalo ghwake; na idana BWANA waghufunya wuzuri kwako na kughuneka mwana wako Absalomu. Wuwiwi ghwako ghodia bagha ghwakunona kumoni.”

2 SAMUELI 20:26

na Ira, Mjairi orekoghe mkohani wa Daudi.

2 SAMUELI 21:5

Nao Wagibeoni wikamzera mzuri, “U mundu udibwaghie na kudibonyera mpango ghoditotesha, eri disekaie na wulalo ghungi andenyi ya isanga ja Israeli,

2 SAMUELI 24:1

Ngelo imu, BWANA ukakaia wazamilwa ni Waisraeli, ukam'bonya Daudi uwiredie wasi, ukimzera, “Ghenda kuwitale wandu wa Israeli na wa Juda.”

2 SAMUELI 5:19

Daudi ukamlomba BWANA. “Welee, nijoke nilo na Wafilisti? Kuwingira mikonunyi kwapo?” BWANA ukamtumbulia Daudi, “Joka, angu kwa loli nichawingira Wafilisti mikonunyi kwako.”

2 SAMUELI 5:23

Hata iji Daudi oremlombieghe BWANA ukamtumbulia, “Kusejoke; ela kuwimare chia ya nanyuma, kuwijokie na iyo chia ilangayagha miforosadinyi.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 18:2

Niko Elija ukafuma kwendakuwonyera moni kwa Ahabu. Njala erekoghe yabia loli loli aja Samaria.

2 WAZURI 6:25

Njala mbaa ikabuka muzi ghwa Samaria, kwa kukaia Wasiria wereghurughaieghe ugho muzi hata chongo cha punda chikauzwa kwa bei ya vibelele mirongo wunyanya va feza, na gramu maghana awi ra mavi gha mbughi rikauzwa kwa bei ya vibelele visanu va feza.

2 WAZURI 8:1

Idana Elisha oremzerieghe uja muka Mshunami, uo oremrukishirieghe mwana wake, ufume jija isanga, uhamie andu kuzima uko kose uchaakuwona. Kwa kukaia BWANA uchareda njala isangenyi jija kwa miaka mfungade.

AYUBU 10:2

Nichamzera Mlungu: Kusakenitanya kukaia mkosi; nighorie nabonyere kaung'aki?

ZABURI 27:8

Oho kwaghambie, “Nilolenyi.” Nani naghamba, “Nichakulola ee BWANA;

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

WALAWI 26:26

Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

JOSHUA 7:1

Ela wandu wa Israeli wikachikanya agho malaghiro kwa kuwusa ivo vilambo venonwa; angu Akani mwana wa Karmi wawae Zabdi, wa kichuku cha Zera, wa kichuku cha Juda, orewusireghe vilambo vimu venonwa; na BWANA ukajokwa ni machu aighu ya wandu wa Israeli.

JOSHUA 9:20

Suti diwisighe wikaie moyo kwa wundu ghwa iji ighemi disechekabwa ni Mlungu.”

RUTHU 1:1

Ngelo imu, iji watanyi wa Israeli werekoghe wikibonya nguma, korekoghe na njala isangenyi; na mndumu wa muzi ghwa Bethlehemu isanga ja Juda ukaghenda kukaia kiwughenyi isanga ja Moabu, andwamweri na mkake, na wana wake wa womi wawi.

1 SAMUELI 10:22

Niko wikamkotia BWANA sena wikighamba, “U mundu sena wacha aha?” BWANA ukatumbulia, “Sauli hoyo waakuvisa a misigonyi.”

1 SAMUELI 23:11

Welee, wandu wa Keila wichanifunya uniwade? Loli Sauli usea seji koni ini mdumiki wako nasikira? Ee BWANA Mlungu wa Israeli, nakuvoya kunimanyishe ini mdumiki wako.” Nao BWANA ukaghamba, “Sauli usea.”

1 SAMUELI 23:2

Daudi ukamlomba BWANA ukighamba, “Welee, nighende kulwa na awo Wafilisti?” BWANA ukamzera, “Ghenda kuwikabe awo Wafilisti, kughukire muzi ghwa Keila.”

1 SAMUELI 23:4

Niko Daudi ukamkotia BWANA sena. Na BWANA ukamzera, “Wuka kusee cha Keila, kwa kukaia nichakubonya kuwisime Wafilisti.”