2 SAMUELI 20:9 - Biblia Ilagho Jiboie Kwa Wandu Wose

⁹ Nao Joabu ukamzera Amasa, “Koko mana mwanidu?” Ukawada sombe ra Amasa na mkonu ghwake ghwa kiwomi upate kumsusugha.

2 SAMUELI 20:9 ပူးပေါင်းရင်းမြစ်များ

2 SAMUELI 15:5

Na ngelo yose mundu orekoghe ukimchea na kumghoghomia kwa ishima, Absalomu orekoghe ukimmbwada na kumsusugha.

2 SAMUELI 17:25

Absalomu orekoghe wammbika Amasa ukaie m'baa wa majeshi wulalo ghwa Joabu. Amasa orekoghe mwana wa mndumu orewangwagha Ithra, Muishimaeli, uo oremlowueghe Abigaili mwai wa Nahashi, sena Abigaili mruna wa waka Seruia ni mae Joabu.

2 SAMUELI 18:29

Mzuri ukaghamba, “Uja mdawana Absalomu oko banana nicha?” Ahimaazi ukatumbulia, “Iji Joabu ukoghe ukiniduma ini mdumiki wako, nawonieghe nganyi imu mbaa, ela siimanyire ni ya indoki.”

2 SAMUELI 3:27

Nao iji Abneri wawunjwa Hebroni, Joabu ukamdwa mbalama sa kukunda kubonya njama ya kiviso nao aho mbengenyi; nao ahoeni ukamdunga na ifumu ja kifu ukafwa kulipia iyo bagha ya mruna Asaheli.

1 WAZURI 2:32

BWANA uchammbunjira bagha yake aighu ya chongo chake; kwa kukaia wabwaghie wandu wawi kwa lufu, aba usemanyire; sena wandu wiko na hachi kumchumba; nawo ni Abneri mwana wa Neri, orekoghe m'baa wa majeshi gha Israeli, na Amasa mwana wa Jetheri orekoghe m'baa wa majeshi gha Juda.

ZABURI 55:21

Madedo ghake gherekoghe ghidendere kuchumba turashu, ela sena wuda ghorekoghe ngolonyi kwake. Malagho ghake gherekoghe ghihorie kuchumba mavuda, ela sena ghadadema sa chufu.

MAKATANISHO 26:23

Madedo ghisingie ghidedwagha na ngolo mbiwi, gheeka sa kaure, ishingilo chombo cha wongo.

MAKATANISHO 27:6

Mghenyi wako ukaduakushoghonua, ni mloli kwako; ela m'maiza ni m'maiza hata ukeduakususugha mando mengi.

JEREMIA 41:2

Ishmaeli mwana wa Nethania chiaimweri na waja wandu ikumi ukawuka na kumdema Gedalia mwana wa Ahikamu wawae Shafani na lufu, ukam'bwagha uo orewikiloghe ni mzuri wa Babuloni ukaie m'baa wa isanga.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

WATANYI 3:15

Niko Waisraeli wikamkemia BWANA, nao ukawineka mundu owikira, Ehudi, mundu wa mkonu ghwa kimoso, mwana wa Gera, kufuma mbari ya Benjamini. Wandu wa Israeli wikamduma ughenje manosi ghawo kwa Egloni mzuri wa Moabu.