2 SAMUELI 20:6 - Biblia Ilagho Jiboie Kwa Wandu Wose

⁶ Daudi ukamzera Abishai, “Kumanye Sheba mwana wa Bikri uchadiredia wasi kuchumba Absalomu. Idana wada wandu wapo kumnughe, usechengia andenyi ya ngome rimu ra muzi na kudilaghaya.”

2 SAMUELI 20:6 ပူးပေါင်းရင်းမြစ်များ

2 SAMUELI 10:14

Waamoni wiendawona kukaia Wasiria wakimbia, nawo weni wikamkimbia Abishai na kungia cha mzinyi kwawo. Niko Joabu ukasigha kulwa na Waamoni, ukawuya cha Jerusalemu.

2 SAMUELI 11:11

Uria ukamzera Daudi, “Sanduku ya Ilaghano na wandu wa Israeli na wa Juda wose waawuyalala a viwandenyi, na bwana wapo Joabu na wabaa wose wa bwana wapo weeka kambinyi a mlambenyi. Welee, nidima wada kughenda nyumbenyi kuja na kunywa na kulala na muka wapo? Sa iji koni kukaiagha moyo, na roho yako ikaiagha moyo, ini sichaabonya ilagho ijo anduangi.”

2 SAMUELI 18:12

Ela uja mundu ukamzera Joabu, “Hata ngera nedenekwa vibelele va feza elfu imweri, sadimagha kughorua mkonu ghwapo nim'bwaghe mwana wa mzuri; kwa kukaia dasikireghe mzuri ukikulaghira oho, na Abishai, na Itai ukighamba, ‘Mumlindie uo mdawana Absalomu kwa wundu ghwapo.’

2 SAMUELI 18:2

Ukaduma mafungu adadu; ifungu jimu jikaie aisi ya wulongozi ghwa Joabu na ifungu ja kawi jikaie aisi ya wulongozi ghwa Abishai mwana wa Seruia, mruna Joabu; na ifungu ja kadadu jikaie aisi ya wulongozi ghwa Itai, Mgiti. Mzuri ukawizera, “Hata nanimoni wori dighendanya wudenyi.”

2 SAMUELI 19:7

Idana wuka naighu kufume shighadi, kudedanye na wadumiki wako nicha; ngera kusefumagha, naghema kwa BWANA mndungi ndesigharikagha ukanye na oho ichi kio; na ijo ilagho jichakaia jizamie kuchumba mawiwi ghose kukwane nagho kufuma wanake ghwako.”

2 SAMUELI 2:18

Wana wadadu wa Seruia werekoghe aho, nawo ni Joabu, Abishai na Asaheli. Uo Asaheli orekoghe uangue sa shaa kwa iseghe.

2 SAMUELI 21:17

Ela Abishai mwana wa Seruia, ukacha kumtesia Daudi, nao ukamkaba na kum'bwagha uja Mfilisti. Niko wandu wa Daudi wikamghemesha kukaia ndechaaghendanya nawo wudenyi sena, angu uo ni sa taa ya Israeli, icherima.

2 SAMUELI 23:18

Abishai mruna Joabu mwana wa Seruia, orekoghe m'baa wa vilongozi mirongo idadu. Ukawusa ifumu jake na kuwibwagha wandu maghana adadu; ukakupatira irina aghadi ya awo mirongo idadu.

2 SAMUELI 3:30

Niko huwo Joabu na mruna Abishai wikam'bwagha Abneri angu orebwaghieghe mruna Asaheli wudenyi aja Gibeoni.

2 SAMUELI 3:39

Na ini idime nawuya mnyonge, hata ngera nashingilo mavuda nikaie mzuri; awana wa Seruia waniredia wasi m'baa. BWANA ndemlipe m'bonyi kiwiwi kunughana na wuwiwi ghwake.”

1 WAZURI 1:33

Nao mzuri ukawizera, “Wadenyi wabaa wapo, mumsereshe kidombo mwana wapo Solomoni aighu ya nyumbu yapo cheni, msee nao hata Gihoni;

1 MALAGHO GHA NGELO 11:20

Abishai, Joabu mruna, orekoghe m'baa wa waja mirongo idadu. Nao ukaweweta ifumu jake, ukawibwagha wandu maghana adadu, ukakupatira irina, waja wadadu wiko mbai.

1 MALAGHO GHA NGELO 18:12

Abishai mwana wa Seruia, ukawibwagha Waedomu wandu elfu ikumi na wunyanya Vololo ya Chumbi.

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

MARKO 3:24

Na wuzuri ghukareda mawaghanyiko, ndeghudimagha kumanga anduangi.

1 SAMUELI 26:6

Nao Daudi ukamkotia Ahimeleki, Mhiti, na Abishai mruna Joabu mwana wa Seruia, “Nani useanyagha nani cha kambinyi kwa Sauli?” Abishai ukaghamba, “Ini niseanya na oho.”