2 SAMUELI 20:15 - Biblia Ilagho Jiboie Kwa Wandu Wose

¹⁵ Niko wandu wose wa Joabu wikacha na kughumara ugho muzi ghwa Abeli ya Beth-maaka; wikaagha ndoe nokoighu sa kisaghu, kughulangaya ugho muzi a wurighenyi ghwa shighadi; wikazoya kutika ugho wurigha wipate kughughusha.

2 SAMUELI 20:15 ပူးပေါင်းရင်းမြစ်များ

2 SAMUELI 20:14

Nao Sheba ukaida masanga ghose gha Israeli, hata ukavika Abeli aja Beth-maaka na Wabikri wose wikakwanyika chiaimweri wikamnugha.

1 WAZURI 15:20

Ben-hadadi ukamsikira Mzuri Asa; ukaduma wabaa wake wa majeshi wikabe mizi ya Israeli. Wikasima mizi ya Ijoni, na Dani, na Abel-beth-maaka, na Kinerothi yose, na isanga jose ja Naftali.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

2 WAZURI 19:32

“Kwa huwo BWANA waghora huwu aighu ya mzuri wa Ashuru, ‘Ndechaangia andenyi ya ughu muzi hata kukumba iwanu aho; ndechaaghucha uko na ngao, hata kughurughaia wurigha naighu yaro anduangi.

MCHILI 9:14

Korekoghe na muzi ghumu mtini, ghuseko na wandu wengi. Mzuri umu uwadie ndighi ukaghungiria. Ukaghurughaia na kukuboisa uvuchuo wurigha ghwaro.

ISAYA 37:33

“Kwa huwo, BWANA waghora huwu aighu ya mzuri wa Waashuru: ‘Ndechaacha andenyi ya muzi ughu, hata ndechaakumba iwanu aho, angu kucha na ngao, hata ndechaaghurughaia.

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 33:4

Ini BWANA, Mlungu wa Israeli, naghamba huwu aighu ya nyumba riko andenyi ya ughu muzi ghwa Jerusalemu, na nyumba ra wazuri wa Juda iro rerechikanyiroghe eri ripate kubonya wurigha ghoghiria wuda.

JEREMIA 6:6

BWANA wa majeshi waghora huwu, “Demenyi midi yawo, m'bonye wurigha, mpate kughurughaia ugho muzi ghwa Jerusalemu, kwa kukaia ugho nigho muzi ifwane ghukabo kwa wundu ghwa kuchulwa ni kukoronga.

EZEKIELI 4:2

Kuwonyere kazi eghurughaia; kuaghe wurigha, kubonye kitungu cha ndoe, kuwike kambi eghurughaia, na kuwike vilingo veghuvuchua ugho muzi chia rose.

LUKA 19:43

Angu matuku ghichacha, na wamaiza wako wichakurighia, wikumarie na kukutangala chia rako rose.