2 SAMUELI 20:13 - Biblia Ilagho Jiboie Kwa Wandu Wose

¹³ Ghuja mumbi ghuendainjwa chienyi, wandu wose wikamnugha Joabu kummbinga Sheba mwana wa Bikri.

2 SAMUELI 20:13 ပူးပေါင်းရင်းမြစ်များ

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 SAMUELI 20:11

Nao mundu umu wa Joabu ukakaia kimusi kaavui na mumbi ghwa Amasa, ukaghamba, “Umundu ose umkunde Joabu na Daudi, ndenughe Joabu.”

2 SAMUELI 20:14

Nao Sheba ukaida masanga ghose gha Israeli, hata ukavika Abeli aja Beth-maaka na Wabikri wose wikakwanyika chiaimweri wikamnugha.

2 WAZURI 18:17

Nao mzuri wa Ashuru ukaduma wabaa wa ighu wadadu kufuma Lakishi chiaimweri na ijeshi ibaa, wiche kwa Hezekia aja Jerusalemu. Wiendajoka na kuvika Jerusalemu, wikakaia kimusi aja mkuonyi ghufumagha ndiwenyi ya nalughu, aho chienyi mbaa ya dobi.

MAKATANISHO 16:17

Mundu mucha wadalegha chia mbiwi, uo ulindiagha mighendo yake wadajilindia irangi jake.

ISAYA 36:2

Mzuri wa Waashuru ukamduma Rabshake kufuma Lakishi kwa Mzuri Hezekia aho Jerusalemu, na ijeshi ibaa. Ukacha na kubonya kambi aho mkuonyi ghwa iyo ndiwa iko chienyi mbaa eghenda Mbuwa ya Dobi.

ISAYA 62:10

Inyo wandu wa Jerusalemu, fumenyi m'boise chia, boisenyi chia mbaa, muinje magho, wandu wenyu wiwuyagha wipate kungia; josenyi kiweto wandu wipate kuwona.

ISAYA 7:3

Niko BWANA ukamzera Isaya, “Ghenda kukwane na Mzuri Ahazi, oho na mwana wako Sheari-Jashubu; kuchamkua chienyi andu wafui nguwo wibonyagha kazi, kutuonyi kwa ghuja mkua ghuredagha machi kufuma kiriwa cha lughu,

JEREMIA 31:21

Kukubonyere kumoni alama ra chienyi, kudunge midi ekuwonyera chia kuikumbuke nicha ija chia mbaa, iyo koreiidieghe. Wuyenyi ee wandu wa Israeli, iwurienyi mizi yenyu.

MITALO 20:19

Wandu wa Israeli wikaghamba, “Isi diaidiria chia icheni mbaa; hata isi na mfugho redu dikanywa machi ghako dighilipa; isi deekunda kuida koni, ndedikunde ilagho jingi izima.”

MARKO 10:46

Nao wikabusa Jeriko, hata iji orekoghe ukifuma aho, andwamweri na wanughi wake na izungu ja wandu, mundu umu mlombi ufue meso uwangwagha Bartimayo, mwana wa Timayo, orekoghe kidombo chia na mbai.

WATANYI 21:19

Niko wikaghamba, “Zighanenyi deko na ndima ya BWANA ya kula mwaka aja Shilo, kuko cha magharibi ya Betheli, mashariki ya ija chia mbaa ijokagha kufuma Betheli hata Shekemu cha kusinyi ya Lebona.”

1 SAMUELI 6:12

Iro ng'ombe rikawada chia eghenda Beth-shemeshi, iyo chia mbaa, rikaghenda rikidoka; nderereghalukieghe mkonu ghwa kiwomi angu ghwa kiwaka, na wabaa wa Wafilisti wikarinugha hata mpakenyi ghwa Beth-shemeshi.