2 SAMUELI 20:10 - Biblia Ilagho Jiboie Kwa Wandu Wose

¹⁰ Ela Amasa nderekoghe ukiwona luja lufu lwawadilwa ni Joabu. Niko Joabu ukamdunga nalo kifunyi, na kuwudua mawula ghake andonyi; nao ukafwa, Joabu usewurie kumdunga indo ja kawi. Niko Joabu na mruna Abishai wikamnugha Sheba mwana wa Bikri.

2 SAMUELI 20:10 ပူးပေါင်းရင်းမြစ်များ

KUZOYA 4:8

Kaini ukamzera mruna Abeli, “Nndoko disele noko cha mbuwenyi.” Hata iji werekoghe aho mbuwenyi, Kaini ukamchumbia mruna Abeli ukam'bwagha.

2 SAMUELI 2:23

Ela ukalegha kughaluka nambai; kwa huwo Abneri ukamdunga na mbela ya ifumu kinyuma-nyuma, hata jikafuma ichia cha mghongo. Nao ukaghwa ukafuya ahoeni. Wandu wose werekoghe wikicha, wiendavika andu Asaheli oreghueghe na kufwa, wikamanga kimusi.

2 SAMUELI 20:9

Nao Joabu ukamzera Amasa, “Koko mana mwanidu?” Ukawada sombe ra Amasa na mkonu ghwake ghwa kiwomi upate kumsusugha.

2 SAMUELI 3:27

Nao iji Abneri wawunjwa Hebroni, Joabu ukamdwa mbalama sa kukunda kubonya njama ya kiviso nao aho mbengenyi; nao ahoeni ukamdunga na ifumu ja kifu ukafwa kulipia iyo bagha ya mruna Asaheli.

1 MALAGHO GHA NGELO 12:2

Werekoghe wandu wekumba ndana na magho gha kikuza kwa mkonu ghwa kiwomi angu ghwa kiwaka; nawo ni Wabenjamini, Sauli wakwawo.

JEREMIA 41:2

Ishmaeli mwana wa Nethania chiaimweri na waja wandu ikumi ukawuka na kumdema Gedalia mwana wa Ahikamu wawae Shafani na lufu, ukam'bwagha uo orewikiloghe ni mzuri wa Babuloni ukaie m'baa wa isanga.

MITALO 35:20

Na ngera mundu wadazamilwa ni mmbao, nao umdunge na ndagha, angu umlalirie na kumsindika hata ufo,

WATANYI 3:15

Niko Waisraeli wikamkemia BWANA, nao ukawineka mundu owikira, Ehudi, mundu wa mkonu ghwa kimoso, mwana wa Gera, kufuma mbari ya Benjamini. Wandu wa Israeli wikamduma ughenje manosi ghawo kwa Egloni mzuri wa Moabu.

WATANYI 3:21

Nao Ehudi ukamsoghodera, na kwa mkonu ghwake ghwa kiwaka ukalukua luja lufu oreluvisireghe barenyi kwake ya mkonu ghwa kiwomi, ukamdunga mzuri kifunyi kwake.

1 SAMUELI 26:8

Nao Abishai ukamzera Daudi, “Linu niko Mlungu wamngira m'maiza wako mikonunyi kwako; idana leka nimdunge na ifumu hata jiide na ndonyi indo jimweri tu, siwuriagha ja kawi.”