2 SAMUELI 20:1 - Biblia Ilagho Jiboie Kwa Wandu Wose

¹ Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 SAMUELI 20:1 ပူးပေါင်းရင်းမြစ်များ

KUZOYA 46:21

Wadawana wa Benjamini werekoghe Bela, Becheri, Ashibeli, Gera, Naamani, Ehi, Roshi, Mupimu, Hupimu, na Aridi.

2 SAMUELI 15:10

Ela Absalomu ukaduma wadumwa wa kiviso isangenyi kwa vichuku vose va Israeli ukighamba, “Mkasirika tarumbeta ikikabwa mghambe, ‘Absalomu nuo mzuri Hebroni.’”

2 SAMUELI 16:11

Daudi ukamzera Abishai na wabaa wake wose, “Ikakaia mwana wapo tiki waawuyalola kunifunya irangi japo, ni kuchumba saki uhu M'benjamini? Msighenyi uniewie, kewada ni BWANA wamzera.

2 SAMUELI 16:7

Shimei ukakaia ukimuewia Daudi ukighamba, “Ghenda noko! Ghenda noko! Oho mundu odia bagha; mundu wa kisha!

2 SAMUELI 18:17

Nao wikammbwada Absalomu na kumkumba andenyi ya kina kibaa aho msidunyi. Wikatumbanya kitungu kibaa cha magho aighu ya icho kina; Waisraeli wose wikakimbia kula mundu mzinyi kwake.

2 SAMUELI 20:2

Niko wandu wose wa Israeli wikamkimbia Daudi na kumnugha Sheba mwana wa Bikri; ela wandu wa Juda wikanughana na mzuri wawo kwa wuloli kufuma Jordani hata wikangia Jerusalemu.

2 SAMUELI 20:22

Niko uja muka ukamara kwa wandu wose ukitumia suku rake, wikachidumbua chongo cha Sheba mwana wa Bikri, wikamkumbia Joabu cha shighadi. Nao Joabu ukakaba tarumbeta, na wandu wose wikafumukana; wikaghala kula mundu cha mzinyi kwake. Na Joabu ukawuya kwa mzuri Jerusalemu.

2 SAMUELI 23:6

Ela wandu wisemwichi Mlungu weeka sa minjwa, iyo minjwa ekumbwa noko; kwa kukaia ndeidimagha kuwadwa na vala,

1 WAZURI 12:16

Nao iji wandu wose wa Israeli wawona kukaia mzuri nderewisikireghe, wikamtumbulia mzuri, “Deko na ifunguki kwa Daudi? Isi ndediwadie ifwa jingi kwa mwana wa Jese. Kula Muisraeli ndewuye cha hemenyi kwake! Wen-Daudi ndewikuzighane weni.” Niko Waisraeli wikawuka na kughenda cha hemenyi kwawo.

1 WAZURI 21:10

Msaghuo wandu wandonyi wawi, muwiwike kaavui nao wipate kureda mashitaki aighu yake ghemzera, ‘Oho kwamsholia Mlungu na mzuri.’ Nao mumfunye shighadi, ulaso na magho hata ufo.”

2 MALAGHO GHA NGELO 10:16

Hata iji wandu wose wa Israeli wawona angu mzuri ndewisikiragha, wikamtumbulia, “Deko na ifunguki na Daudi? Ndedine ifwa jingi na mwana wa Jese. Kula mundu ndewuye hemenyi kwake ee wandu wa Israeli! Daudi, zighana nyumba yako kumoni.” Huwo wandu wa Israeli wose wikawuya hemenyi kwawo.

2 MALAGHO GHA NGELO 10:6

Niko Mzuri Rehoboamu ukabonya njama na waghosi, awo werekoghe wikimdumikia ndee Solomoni ngelo orekoghe moyo, ukighamba, “Mmbona awandu niwizere wada?”

ZABURI 17:13

Wuka ee BWANA! Witangale kuwisime! Kunikire na wandu wawiwi kwa lufu lwako.

ZABURI 34:19

Mundu wa hachi wadima kupatwa ni matiriro mengi, ela BWANA wadamkira nagho ghose.

MAKATANISHO 25:8

Kukawona malagho, kusekaie wa shwa-shwa kuenda kotinyi; kubonya wada mmbenyu ukafunya wushuhuda ghokusima?

MAKATANISHO 26:21

Mundu orashana na wandu wadawusira nganyi, seji maka gha modo na mbande ribonyagha modo ghuhieghe.

MARKO 3:24

Na wuzuri ghukareda mawaghanyiko, ndeghudimagha kumanga anduangi.

LUKA 19:14

Ela waisanga wake ndeweremkundeghe, nawo wikamdumia wandu wikighamba, ‘Ndedikunde uhu mundu udibonyere nguma.’

LUKA 19:27

Ela awa wamaiza wapo wiserekundieghe niwibonyere nguma, wiredenyi aha muwibwaghe imbiri kwapo.’”

JOHANE 13:8

Petro ukamzera, “Na jingi ndekuchaanioghosha maghu ghapo anduangi.” Jesu ukamzera, “Ngera nisekuoghoshagha maghu-lee, ndekuna wungara ghungi na ini anduangi.”

WUKUMBUSO 13:13

wei wandu wamu wa kisha wa mzenyu waghendie na kuwilaghasha wandu wa ugho muzi wikighamba, wei wighende kutasa milungu mizima, iyo mseiichi,

WATANYI 19:22

Hata iji werekoghe wikiboilwa, wandu wamu wa kisha wa ugho muzi wikacha wikaimara iyo nyumba na kukaba mnyango, wikamzera uja mghosi uko m'baa wa nyumba, “Funya uo mundu wangia nyumbenyi kwako, deekunda kummanya.”

WATANYI 3:27

Hata iji orevikieghe isanga ja mighondinyi ja Efraimu, ukakaba tarumbeta kuwiwanga wandu wa Israeli kwa wuda; ukawighenja nokoisi kufuma mighondinyi.

RUTHU 2:3

Ruthu ukaghenda cha mbuwenyi, ukakaia ukiwinugha na nyuma awo wandu werekoghe wikikuwida, ukashoa agho masighariko gha vanga va viro werevisighieghe, na kwa bahati, iyo mbuwa erekoghe ni ya Boazi uo orekoghe wa kichuku cha weke Elimeleki.

1 SAMUELI 13:2

Nao Sauli ukasaghua wandu elfu idadu. Uo moni ukakaianya na wandu elfu iwi aho Mikmashi na isanga ja mighondinyi ja Betheli; na wandu elfu imweri wikakaianya na Jonathani aja Gibea ya kichuku cha Benjamini; na wandu wazima wose ukawizera wighale kula mundu cha mzinyi kwake.

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,

1 SAMUELI 30:22

Niko awo wandu wawiwi na wa kisha, aghadi ya awo wereghendanyeghe na Daudi wikaghamba, “Awandu ndewipatagha kilambo chingi dachidwa wunyika, ela kula umu wawo uchanekwa mkake na wana wake ughende; kwa kukaia ndewereghendanyeghe nesi.”