2 SAMUELI 2:32 - Biblia Ilagho Jiboie Kwa Wandu Wose

³² Wikamdwa Asaheli na kumrika andenyi ya kaburi ya ndee aho Bethlehemu. Joabu na wandu wake wikalalaghenda kio chee, ndoe ikawielia wavika Hebroni.

2 SAMUELI 2:32 ပူးပေါင်းရင်းမြစ်များ

KUZOYA 47:29

Nao iji ngelo ya kufwa kwake Israeli yalighisa, ukammbanga mwana wake Josefu ukamzera, “Ngera narumirikia mesonyi kwako, ngira mkonu ghwako barenyi kwapo, nao kunighemie angu kuchanibonyera malagho gha loli na gha hachi.

KUZOYA 47:30

Kusakenirika aha Misri, ela kunighenje mzedu kunirike andu weke aba wirikilo.” Nao ukaghamba, “Nichabonya sa iji koni kwaghamba.”

2 SAMUELI 2:31

Ela wandu wa Daudi werekoghe wabwagha wandu maghana adadu na mirongo irandadu wa kichuku cha Benjamini, awo werekoghe wa Abneri.

2 SAMUELI 5:1

Niko mbari yose ya Israeli ikamchea Daudi aho Hebroni ikighamba, “Ola isi de wandu wa bagha imweri na oho.

2 MALAGHO GHA NGELO 16:14

Wikamrika andenyi ya kaburi oreikotereghe moni mzinyi kwa Daudi. Wikammbika wulinyi ghuwikirilo vilungo va mbari zima-zima vibonyero ni m'boisi marashi; wikakora modo m'baa nandighi kwa ishima jake.

2 MALAGHO GHA NGELO 21:1

Jehoshafati ukafwa sa weke ndee, ukarikwa kwa weke ndee mzinyi kwa Daudi; na mwana wake Jehoramu ukabonya nguma wulalo ghwake.

MAKATANISHO 22:29

Kwawuyammbona mundu uichi kazi yake? Uchadumikia wazuri, ndechaadumikia wandu wa ndonyi anduangi.

WATANYI 8:32

Nao Gideoni mwana wa Joashi ukafwa mghosi wa irangi jiboie, ukarikwa andenyi ya kaburi ya ndee Joashi, aho Ofra muzi ghwa Wabiezeri.

1 SAMUELI 17:58

Sauli ukamzera Daudi, “Wele mdawana, ko mwana wani?” Daudi ukatumbulia, “Ini ne mwana wa mdumiki wako Jese, M'bethlehemu.”