2 SAMUELI 2:26 - Biblia Ilagho Jiboie Kwa Wandu Wose

²⁶ Nao Abneri ukammbanga Joabu, “Wele diabwaghanagha matuku ghose? Ndekuichi kukaia kutua kuchakaia kubirie? Ni lii kuchaawizera wandu wako wisighe kunugha waruna?”

2 SAMUELI 2:26 ပူးပေါင်းရင်းမြစ်များ

2 SAMUELI 11:25

Nao Daudi ukamzera uja mdumwa, “Kumzere Joabu welee, ‘Kusekaie na wasi kwa agho ghikupatire, kwa kukaia lufu lwadaaja kose kose ii chia na ii chia; kwa huwo kukufungishe ndighi kughuwade ugho muzi;’ na huwo kuchurie kumkumba ngolo.”

2 SAMUELI 2:14

Abneri ukamzera Joabu, “Wadawana wamu ndewiwuke wisimane weni na weni imbiri kodu.” Joabu, ukaghamba, “Ndewiwuke.”

2 SAMUELI 2:16

Wikawadana chongo kula mundu na m'maiza wake, na kula umu ukamdunga mmbao na lufu lwake luwarunyi; wose mirongo iwi na bana wikaghwa andoenyi, wikafwa. Kwa huwo andu aho kukawangwa Helkath-hazzurim kuko isanga ja Gibeoni.

2 SAMUELI 2:25

Niko wandu wa kichuku cha Benjamini wikakukwanya weni nyuma ya Abneri, wikakaia ijeshi jimweri; wikakaia kimusi mghondinyi koighu.

2 SAMUELI 2:27

Joabu ukaghamba, “Sa iji Mlungu ukaiagha moyo, ngera kusededieghe, awandu wadachaleka kuwinugha waruna kesho.”

AYUBU 18:2

“Agha madedo kughimeria lii? Kaia na akili ima diwonededanya.

AYUBU 19:2

“Munitirira huwu hata lii, mkinibwagha na malagho?

ZABURI 4:2

Munifusha waya na kunisowia ishima hata lii nga wandu? Mkunda malagho gha duu na gha tee hata lii?

MAKATANISHO 17:14

Kuzoya nganyi kooka sa kuvungua machi, kwa huwo sigha malagho imbiri marashano ghisezoye.

ISAYA 1:20

ela mkalegha kusikira putu, mchatoteshwa kwa lufu, angu ini BWANA naghora ilagho iji.”

JEREMIA 12:12

Watoteshi wacha aighu ya mighondi miduu yose kireti, kwa kukaia ini BWANA naredie wuda kutotesha kufuma kutua uku hata kutua uku kwa isanga; na mndungi ndewadie sere.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 4:21

Bendera ya wuda niiwona hata lii, na chwaka ra tarumbeta nirisikira hata lii?

JEREMIA 46:10

Ijo ni ituku ja BWANA wa majeshi jeluya kisasi, ukuluye kisasi moni aighu ya wamaiza wake. Lufu luchaja lughude, luchanywa lughude bagha yawo; kwa kukaia BWANA Mlungu wa majeshi waawuyafunya kizongona, noko cha kaskazinyi kaavui na Moda ghwa Eufrate.

JEREMIA 46:14

“Ghorienyi mizi ya Misri na Migdoli; sena mmanyishe mizi ya Memfisi na Tahpanesi; wizerenyi, ‘Kuwikenyi kimusi nicha, angu kula kindo chichamerelwa ni wuda.’

HOSEA 11:6

Wuda ghuchabuka na mizi yawo ichanonwa, na kuchikanya minyango ya mbenge rawo; nawo wichamerelwa andenyi ya ngome rawo.

MABONYO GHA WADUMI 7:26

Ituku ja kawi orewikueghe Waisraeli wikirashana weni na weni, ukakunda kuwipatanisha ukighamba, ‘Wele wandu, mkwanywa niki mundu na mruna wori?’