2 SAMUELI 2:13 - Biblia Ilagho Jiboie Kwa Wandu Wose

¹³ Na Joabu mwana wa Seruia na wabaa wa Daudi wikafuma wikakwana nawo aja kiriwenyi cha Gibeoni; wikasea kidombo aho kiriwenyi wikalangayana wamu ii chia na wamu ii chia.

2 SAMUELI 2:13 ပူးပေါင်းရင်းမြစ်များ

2 SAMUELI 2:18

Wana wadadu wa Seruia werekoghe aho, nawo ni Joabu, Abishai na Asaheli. Uo Asaheli orekoghe uangue sa shaa kwa iseghe.

2 SAMUELI 20:23

Joabu orekoghe m'baa wa majeshi ghose gha Israeli; na Benaia mwana wa Jehoiada orekoghe m'baa wa Wakerethi na Wapelethi;

2 SAMUELI 20:8

Wiendavika aho ighonyi ibaa jiko Gibeoni, Amasa ukacha kukwana nawo. Na Joabu orekoghe warwa marwao gha wuda, ukakufunga mkowa na ighu, na lufu luko kiwonyi kwaro. Hata iji orekoghe ukighenda, luja lufu lukapotoka.

2 SAMUELI 23:24

Asaheli mruna Joabu orekoghe umu wa waja mang'oni mirongo idadu, na Elhanani mwana wa Dodo kufuma Bethlehemu;

2 SAMUELI 8:16

Joabu mwana wa Seruia ukakaia m'baa wa majeshi, na Jehoshafati mwana wa Ahiludi ukakaia karani;

1 WAZURI 1:7

Orebonyereghe njama na Joabu mwana wa Seruia, na mkohani Abiathari; nawo wikakufunya kumtesia.

1 WAZURI 2:5

“Sena kwaichi seji Joabu mwana wa Seruia unibonyere. Wabwaghie wabaa wawi wa majeshi gha Israeli: Abneri mwana wa Neri na Amasa mwana wa Jetheri, awo orewibwaghieghe ngelo diko na sere kwa kulipia kisasi cha wandu werebwaghiloghe ngelo ya wuda; ukasigha iro lawama rose rebwagha wandu wiseko na makosa rikaie aighu yapo.

1 MALAGHO GHA NGELO 11:6

Daudi ukaghamba, “U mundu uchaakaia wa imbiri kum'bwagha Mjebusi, uchawuya m'baa wa majeshi.” Joabu mwana wa Zeruia ukakaia wa imbiri nao ukawuya m'baa.

1 MALAGHO GHA NGELO 2:16

na waruna wa waka werekoghe Zeruia na Abigaili. Wana wa Zeruia ni Abishai, Joabu na Asaheli; ni wadadu.

1 MALAGHO GHA NGELO 27:7

Mzighaniri wa kipughi cha mori ghwa kana cha wandu elfu mirongo iwi na inya, orekoghe Asaheli mruna Joabu. Mwana wake Zebadia, ukawada wulalo ghwake.

JEREMIA 41:12

wikawada wandu wawo kwendalwa na Ishmaeli mwana wa Nethania. Wikammbwadia ndiwenyi mbaa ija iko Gibeoni.

1 SAMUELI 26:6

Nao Daudi ukamkotia Ahimeleki, Mhiti, na Abishai mruna Joabu mwana wa Seruia, “Nani useanyagha nani cha kambinyi kwa Sauli?” Abishai ukaghamba, “Ini niseanya na oho.”