2 SAMUELI 19:8 - Biblia Ilagho Jiboie Kwa Wandu Wose

⁸ Niko mzuri ukawuka ukaghenda na kusea kidombo kaavui na mbenge ya muzi. Wandu wose wikaghorelwa kukaia, “Mzuri wacha na kusea kidombo kaavui na mbenge ya muzi.” Wandu wose wikacha na kukaia imbiri kwake. Waisraeli wose werekoghe wakimbia kula mundu cha nyumbenyi kwake.

2 SAMUELI 19:8 ပူးပေါင်းရင်းမြစ်များ

2 SAMUELI 15:2

Absalomu orekoghe ukicha kokesho kio na kukaia kimusi mbai na mbai ya chia a mbengenyi ya muzi. Hata iji mndungi wakaia na ilagho jetanywa kwa mzuri, Absalomu orekoghe ukimmbanga na kumzera, “Kwafuma muzi ghuao?” Na uja mundu ukatumbulia, “Mdumiki wako ne wa kichuku kisiku cha Waisraeli,”

2 SAMUELI 18:17

Nao wikammbwada Absalomu na kumkumba andenyi ya kina kibaa aho msidunyi. Wikatumbanya kitungu kibaa cha magho aighu ya icho kina; Waisraeli wose wikakimbia kula mundu mzinyi kwake.

2 SAMUELI 18:24

Daudi orekoghe wasea kidombo ghadi na ghadi ya mbenge iwi. Mlindiri ukajokeria wurighenyi, hata mwambori wa ipaa ja mbenge; ukazighana na kummbona mndumu ukimbiagha uekeri.

2 SAMUELI 18:4

Mzuri ukaghamba, “Nichabonya ijo jose mujiwonagha kukaia icha konyu.” Niko mzuri ukakaia kimusi mbai na mbai ya mbenge, ijeshi jose jikifuma kwa maghana na kwa maelfu.

2 SAMUELI 19:3

Wandu wikawuya cha mzinyi kima, seji wandu wisimwagha na kukimbia kufuma wudenyi.

1 WAZURI 22:36

Kuvika luma lwa kenyi momu ghukafunywa kwa majeshi gha Israeli ghughambagha. “Kula mundu ndewuye isangenyi kwake na mzinyi kwake.”

2 WAZURI 14:12

Na Juda wikasimwa ni Israeli hata kula mundu ukaghala cha mzinyi kwake.

2 WAZURI 8:21

Niko Jehoramu ukafuma na magare ghake ghose kughenda Sairi, andu ijeshi ja Waedomu jerekoghe. Waedomu wikawimaria chia rose, uo moni na magare ghake na wabaa wa magare ghake; ela wikawuka nakio wikafuma na ijeshi jake, wikakimbia na kughala.

1 SAMUELI 4:10

Niko Wafilisti wikalwa kwa ndighi mbaa, wikawisima Waisraeli hata kula umu wawo ukakimbia cha mzinyi kwake. Wandu wikabwaghwa nandighi, Waisraeli wikafwa masikari elfu mirongo idadu weghenda na maghu.