2 SAMUELI 19:28 - Biblia Ilagho Jiboie Kwa Wandu Wose

²⁸ Angu wandu wose wa nyumba ya aba, weeka sa wandu witanyiro kufwa imbiri ya bwana wapo mzuri; ela sena korenibonyereghe ini mdumiki wako nijeghe mezenyi kwa bwana wapo mzuri. Da ni hachiki niko nayo inibonyagha niwuemlilia mzuri.”

2 SAMUELI 19:28 ပူးပေါင်းရင်းမြစ်များ

KUZOYA 32:10

Ini sifwane kindo chingi kukatanishwa na ulo lukundo lwako, na wuloli ghwako kughuwonyere kwapo ini mdumiki wako; kwa kukaia nereruwukieghe Jordani na mzata ghwapo ghoni, ela idana nakaia mafungu awi.

2 SAMUELI 14:17

Na ini mdumiki wako ngaghesha, ‘Ilagho ja bwana wapo mzuri jichanineka kuhora’; angu bwana wapo mzuri ooka sa malaika wa Mlungu udimagha kumanya malagho mecha na mawiwi. BWANA Mlungu wako ndekaie chiaimweri na oho.”

2 SAMUELI 14:20

Mdumiki wako Joabu odebonya huwu, eri utime kughalua malagho; ela bwana wapo oko na hikima sa malaika wa Mlungu, kwa kutambua maza rose riko ndoenyi.”

2 SAMUELI 15:26

Da nako BWANA ukaghamba ndena kuboilwa kungi nani, ini nichasigha lukundo lwake lubonyeke.”

2 SAMUELI 16:3

Nao mzuri ukamkotia, “Mefiboshethi uja wawae bwana wako Sauli oko hao?” Siba ukatumbulia, “Nechi waasigharika Jerusalemu ukighamba, ‘Idime wandu wa Israeli wichaniwunjira wuzuri ghwa aba.’”

2 SAMUELI 19:29

Nao mzuri ukamzera, “Lekasinda ghora agho malagho ghako. Nameria kudumbua malagho: oho na Siba mmbaghe ijo isanga.”

2 SAMUELI 9:10

Na oho, chiaimweri na wana wako, na wadumiki wako, mchakaia mkiilima iyo ndoe kwa wundu ghwake, na kureda mavalo gharo; eri mwana wa bwana wako usesowe kindo cheja. Ela Mefiboshethi moni, uo mwana wa bwana wako, uchakaia ukija mezenyi kwapo matuku ghose.” Siba orekoghe na wana wa womi ikumi na wasanu, na wadumiki mirongo iwi.

2 SAMUELI 9:13

Niko Mefiboshethi ukakaia Jerusalemu, ukadua ukija vindo mezenyi kwa mzuri matuku ghose; nao orekoghe mkelemeri wa maghu ghake ghose.

2 WAZURI 8:3

Nyuma ya miaka mfungade, uja muka ukawuya Israeli, kufuma isanga ja Wafilisti. Nao ukaghenda kwa mzuri kulomba uwunjiro mbuwa yake na nyumba yake.

1 SAMUELI 26:16

Kwabonyere ilagho jizamie nandighi. Sa iji BWANA ukaiagha moyo, yakufwana kufwa; kwa kukaia ndekoremlindirieghe bwana wako, uo mshingwa mavuda wa BWANA. Zighana, ifumu jake na chija kiriba cherekoghe kaavui na chongo chake veko hao?”