2 SAMUELI 19:24 - Biblia Ilagho Jiboie Kwa Wandu Wose

²⁴ Nao Mefiboshethi wawae Sauli ukasea kummara mzuri; orekoghe useoghoshere maghu ghake, hata kuara sombe rake; nderefueghe nguwo rake kufuma ituku mzuri ufumie Jerusalemu hata ituku uwurie banana.

2 SAMUELI 19:24 ပူးပေါင်းရင်းမြစ်များ

2 SAMUELI 12:20

Nao Daudi ukawuka, ukakuoghosha na kukushinga mavuda; ukarwa marwao ghake na kughenda cha ngomenyi kwa BWANA, ukamtasa Mlungu. Konyuma ukaghenda nyumbenyi kwake, ukalomba uneko vindo; wikam'boisira vindo na kuviwika imbiri kwake, nao ukaja.

2 SAMUELI 15:30

Ela Daudi ukajoka cha mghondinyi ghwa Mizeituni ukaghenda na maghu maduu ukilila, na chongo chake wachifinikira. Na wandu wose werekwanyeghe wikafinikira vongo vawo, wikajoka wikilila.

2 SAMUELI 16:3

Nao mzuri ukamkotia, “Mefiboshethi uja wawae bwana wako Sauli oko hao?” Siba ukatumbulia, “Nechi waasigharika Jerusalemu ukighamba, ‘Idime wandu wa Israeli wichaniwunjira wuzuri ghwa aba.’”

2 SAMUELI 9:11

Siba ukamzera mzuri, “Maza iro rose kwanilaghira mzuri, nicharibonya ini mdumiki wako. Niko Mefiboshethi ukaja mezenyi kwa Daudi, sa umu wa wana wa mzuri.”

1 WAZURI 2:8

Na wokoni Shimei mwana wa Gera M'benjamini orefumieghe Bahurimu; uo orekoghe ukinisholia kwa masholio ghibirie iji nereghendieghe Mahanaimu; ela iji nerekoghe ngiwuya, ukacha kunimara aja Jordani, nani ngam'bonyera ighemi kwa BWANA kukaia sichaam'bwagha kwa lufu.

KUFUMA 19:10

Nao BWANA ukamzera, “Ghenda kuwizere wandu wikueleshe idime na kesho; kuwizere wioghoshe nguwo rawo,

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

JEREMIA 41:5

wandu mirongo wunyanya wikacha kufuma Shekemu, na Shilo, na Samaria; sombe rawo riarilo na nguwo rawo rirashukie, wikudemie-demie mimbi yawo weni; nawo werekoghe wadwa mafunyo gha viro na marumba, wipate kughireda andenyi ya Hekalu ya BWANA.

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

WAROMA 12:15

Boilonyi andwamweri na awo wiboilwagha, lilenyi andwamweri na awo wililagha.

WAEBRANIA 13:3

Wikumbukenyi awo wiko kifungonyi, seji moofungwa andwamweri nawo, na awo wikorongwagha, seji mwaawuyakorongwa andwamweri nawo; kwa kukaia inyo wori moko na mumbi.