2 SAMUELI 19:19 - Biblia Ilagho Jiboie Kwa Wandu Wose

¹⁹ ukamzera, “Bwana wapo kusakenitalia makosa ini mdumiki wako, hata kusakekumbuka seji ini mdumiki wako nerebonyereghe jija ituku korekoghe kwafuma Jerusalemu.

2 SAMUELI 19:19 ပူးပေါင်းရင်းမြစ်များ

2 SAMUELI 13:20

Mruna Absalomu ukamzera, “Welee, mwandeo Amnoni waakubonya kiwiwi? Kaia na sere mwanidu, uo ni mwandeo, kusemmbikie ngolo ingi.” Tamari ukadua na wasi nyumbenyi kwa mruna Absalomu.

2 SAMUELI 13:33

Kwa huwo bwana wapo mzuri usegheshe ngolonyi kwake wei wana wa mzuri wose waabwaghwa; hata, ni Amnoni uekeri wabwaghwa.”

2 SAMUELI 19:18

Wikaruwuka modenyi wipate kumruwusa mzuri na nyumba yake yose; wikakaia tayari kubonya agho ghose mzuri ughikundagha. Nao iji mzuri orekoghe ukizoya kuruwuka, Shimei mwana wa Gera ukaghwa maghunyi kwa mzuri

ZABURI 32:2

Warasimilwa uo mundu BWANA usemtaliagha kaung'a, uo usewadie wukalo ghungi rohonyi kwake.

ZABURI 79:8

Kusakedikaba kwa wundu ghwa kaung'a redu ra kala. Diwonie wughoma shwa-shwa, angu dafwa ngolo nandighi.

MCHILI 10:4

M'bonyi nguma ukakubonyera machu, kusakesigha kazi yako; kunyama kima kwadima kughalua malagho.

ISAYA 43:25

Ini ne Mlungu, uo uinjagha makosa ghako kwa wundu ghwa irina japo, nani sichaarikumbuka kaung'a rako sena anduangi.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

MITALO 12:11

Haruni ukamzera Musa, “Ai, e bwana wapo, kusakedikaba; kwa kukaia dabonya wukelu, dikabonya kaung'a.

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

2 WAKORINTHO 5:19

Huwo ni kughamba, Mlungu orekoghe ukighupatanisha wurumwengu na uo moni andenyi ya Kristo, kuseko na kuwitalia wandu makosa ghawo, nao wadinekie ijo ilagho ja kupatanisha.

1 SAMUELI 22:15

Welee, idime niko jachakaia indo ja imbiri kulomba njama ya Mlungu kwa wundu ghwake? Ii hata, mzuri kuseniwikirie malagho ini mdumiki wako, hata wadumiki wako wa kinyumba cha aba; kwa kukaia ini siichi ilagho jingi ibaa angu itini ja agho malagho kwaghora.”

1 SAMUELI 25:25

Nakuvoya kusetale malagho gha umundu uzamie Nabali, angu sa iji koni irina jake jiko nikokoni nao moni uko. Uo wadawangwa Nabali, na wukelu oko nagho; ela ini mdumiki wako, siwonane na waja wandu korewidumieghe.

1 SAMUELI 26:21

Niko Sauli ukaghamba, “Nakosa; wuya mwanwapo Daudi, angu sichaakubonya ilagho iwiwi sena, kwa kukaia irangi japo jekoghe ja zoghori kwako idime. Ola nabonya wukelu, nakosa nandighi.”