2 SAMUELI 19:18 - Biblia Ilagho Jiboie Kwa Wandu Wose

¹⁸ Wikaruwuka modenyi wipate kumruwusa mzuri na nyumba yake yose; wikakaia tayari kubonya agho ghose mzuri ughikundagha. Nao iji mzuri orekoghe ukizoya kuruwuka, Shimei mwana wa Gera ukaghwa maghunyi kwa mzuri

2 SAMUELI 19:18 ပူးပေါင်းရင်းမြစ်များ

2 SAMUELI 19:17

Ukachanya na wandu elfu ikumi wa kichuku cha Benjamini, na Siba uja mdumiki wa nyumba ya Sauli, chiaimweri na wana wake ikumi na wasanu, na wadumiki wake mirongo iwi; wose wikashashira kusea cha Jordani wikavika imbiri mzuri usechee.

2 SAMUELI 19:19

ukamzera, “Bwana wapo kusakenitalia makosa ini mdumiki wako, hata kusakekumbuka seji ini mdumiki wako nerebonyereghe jija ituku korekoghe kwafuma Jerusalemu.

2 SAMUELI 19:30

Mefiboshethi ukamzera mzuri, “Msighe uwuse vilambo vose; kwa kukaia bwana wapo mzuri wameria kuwuya banana mzinyi.”

2 SAMUELI 9:10

Na oho, chiaimweri na wana wako, na wadumiki wako, mchakaia mkiilima iyo ndoe kwa wundu ghwake, na kureda mavalo gharo; eri mwana wa bwana wako usesowe kindo cheja. Ela Mefiboshethi moni, uo mwana wa bwana wako, uchakaia ukija mezenyi kwapo matuku ghose.” Siba orekoghe na wana wa womi ikumi na wasanu, na wadumiki mirongo iwi.

2 SAMUELI 9:2

Korekoghe na mdumiki umu nyumbenyi kwa Sauli, irina jake ni Siba. Wikamreda kwa Daudi, na mzuri ukamkotia, “Oho nuo Siba?” Ukamtumbulia, “Hee, ni ini moni mdumiki wako.”

1 WAZURI 2:8

Na wokoni Shimei mwana wa Gera M'benjamini orefumieghe Bahurimu; uo orekoghe ukinisholia kwa masholio ghibirie iji nereghendieghe Mahanaimu; ela iji nerekoghe ngiwuya, ukacha kunimara aja Jordani, nani ngam'bonyera ighemi kwa BWANA kukaia sichaam'bwagha kwa lufu.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

ZABURI 81:15

Awo wizamilwagha ni ini, wichanighoghomia; ikabo jawo jichadua kwa kala na kala.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

1 SAMUELI 22:15

Welee, idime niko jachakaia indo ja imbiri kulomba njama ya Mlungu kwa wundu ghwake? Ii hata, mzuri kuseniwikirie malagho ini mdumiki wako, hata wadumiki wako wa kinyumba cha aba; kwa kukaia ini siichi ilagho jingi ibaa angu itini ja agho malagho kwaghora.”