2 SAMUELI 19:1 - Biblia Ilagho Jiboie Kwa Wandu Wose

¹ Nao Joabu ukaghorelwa, “Zighana mzuri waawuyalila na kum'bonyera ifwa Absalomu.”

2 SAMUELI 19:1 ပူးပေါင်းရင်းမြစ်များ

KUZOYA 37:35

Na wana wake wa womi na wa waka wikacha kumhoresha, ela ukalegha kuhoreshwa ukighamba, “Nichamseria mwanwapo warumunyi ngimlilia.” Niko ndee oremlilieghe huwo.

2 SAMUELI 18:12

Ela uja mundu ukamzera Joabu, “Hata ngera nedenekwa vibelele va feza elfu imweri, sadimagha kughorua mkonu ghwapo nim'bwaghe mwana wa mzuri; kwa kukaia dasikireghe mzuri ukikulaghira oho, na Abishai, na Itai ukighamba, ‘Mumlindie uo mdawana Absalomu kwa wundu ghwapo.’

2 SAMUELI 18:14

Joabu ukaghamba, “Sidimagha kulaghasha ngelo na madedo ghako.” Nao ukawada mafumu matini adadu, ukamdunga Absalomu ngolonyi kwake, ingelo orekoghe umoo ukinyonyora a mwaloninyi;

2 SAMUELI 18:20

Joabu ukamzera, “Oho ndekudimagha kughenja malagho idime iji, kwakukaia mwana wa mzuri wameria kufwa.”

2 SAMUELI 18:33

Nao mzuri ukawawa nandighi, ukajoka na kungia chija chumba cherekoghe aighu ya mbenge, ukalila; hata iji orekoghe ukighenda ukalila ukighamba, “O mwanwapo Absalomu, mwanwapo, mwanwapo Absalomu! Si baa nafwanagha ini wulalo ghwako? O mwanwapo Absalomu, mwanwapo!”

2 SAMUELI 18:5

Mzuri ukamzera Joabu, na Abishai, na Itai, “Uo mdawana Absalomu mumdo mboa kwa wundu ghwapo.” Wandu wose wikasikira mzuri ukiwilaghira awo wabaa aighu ya maza ra Absalomu.

2 SAMUELI 19:2

Niko huwo wusimi ghose ghwa ijo ituku ghukaghaluka ghukawuya ifwa kwa wandu wose; angu wandu weresikireghe kukaia mzuri wakaia na kuwawa kubaa kwa wundu ghwa mwana wake.

MAKATANISHO 17:25

Mwana mkelu ni wasi kwa ndee, na luwawo kwa mae.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.