2 SAMUELI 18:9 - Biblia Ilagho Jiboie Kwa Wandu Wose

⁹ Nao kwa bahati, Absalomu ukakwana na wadumiki wa Daudi, nao orekoghe wajoka aighu ya nyumbu. Nyumbu ikaida aghadi ya mbashu rikambie ra mudi ghwa mwaloni, chongo cha Absalomu chikawadwa na kumanga a mbagharasenyi ra mwaloni, ukasigharika ukinyonyora, na nyumbu ikaida.

2 SAMUELI 18:9 ပူးပေါင်းရင်းမြစ်များ

2 SAMUELI 13:29

Nao wadumiki wa Absalomu wikabonya wokoni sa iji koni orewilaghirieghe. Wana wa mzuri wose wikawuka; na kula umu wawo ukajoka nyumbu yake, ukakimbia.

2 SAMUELI 14:26

Ngelo edumbua iridia jake (angu orekoghe ukijidumbua kula kutua kwa mwaka angu jeremlemeriagha) jerekoghe na wulemeri ghwa kilo iwi na kuchumba kunughana na vipimo va agho matuku.

2 SAMUELI 17:23

Nao iji Ahithofeli wawona kukaia njama yake ndeinughilo, ukajoka punda wake, na kughenda cha mzinyi kwake. Ukaboisa malagho gha nyumbenyi kwake putu, ukakukumba lugha; ukafwa na kurikwa andenyi ya kaburi ya ndee.

2 SAMUELI 18:10

Mndumu ukawona; ukaghenda ukamghoria Joabu, “Namkua Absalomu ukinyonyora a mbagharasenyi ra mwaloni.”

2 SAMUELI 18:14

Joabu ukaghamba, “Sidimagha kulaghasha ngelo na madedo ghako.” Nao ukawada mafumu matini adadu, ukamdunga Absalomu ngolonyi kwake, ingelo orekoghe umoo ukinyonyora a mwaloninyi;

2 SAMUELI 18:8

Wuda ghukaera isanga jose; wandu wengi wikafuya msidunyi kuchumba awo werebwaghiloghe wudenyi.

AYUBU 31:3

Wasi ghwadawipata awo wisene hachi, na matiriro ghadawipata awo wibonyagha kiwiwi.

MAKATANISHO 20:20

Mundu ukamuewia ndee angu mae, irangi jake jichasia sa taa yarimishwa kirenyi.

MAKATANISHO 30:17

U mundu umsekagha ndee, na kummenya mae, iriso jake jichakulwa ni ngorusa ra vololonyi, na kujighwa ni nderi.

JEREMIA 48:44

Uo uchaakimbia kiture uchachunukia kinenyi; na uo ujokagha kufuma kinenyi uchawadwa ni mdegho. Kwa kukaia nichareda maza iri aighu ya Moabu, andenyi ya mwaka ghwawo ghokabwa, ini BWANA naghamba.

MATHAYO 27:5

Nao Juda ukavikumba vija vibelele va feza andoenyi andenyi ya Hekalu; ukafuma ukaghenda na kukukumba lugha.

MARKO 7:10

Angu Musa oreghorieghe, ‘Kuwibonyere ishima ndeyo na mayo,’ na, ‘Uo ose ughoragha kiwiwi kwa ndee angu kwa mae, ndefo kifwa.’

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

WUKUMBUSO 21:23

msemsighe mumbi ghwake ghukilala mdinyi ela mumrike ijo ituku jeni. Kwa kukaia mundu uwanikwagha mdinyi, oowasirwa njowe ni Mlungu. Msejilushe isanga jenyu ijo BWANA Mlungu onyu umnekagha jikaie ifwa jenyu.

WUKUMBUSO 27:16

“‘Mundu ukalegha kumneka ishima ndee angu mae, uwado ni njowe.’ Na wandu wose widikie, ‘Amen.’

WUKUMBUSO 27:20

“‘Mundu ukalala na mka-ndee, uwado ni njowe; angu wamsowia ndee ishima kwa kulaka na mkake.’ Na wandu wose widikie, ‘Amen.’