2 SAMUELI 18:31 - Biblia Ilagho Jiboie Kwa Wandu Wose

³¹ Nao Mkushi ukabusa; ukaghamba, “Nareda malagho mecha kwa bwana wapo mzuri! Angu idime BWANA wakukira nandighi ra awo wose werekuwusiragha aighu yako.”

2 SAMUELI 18:31 ပူးပေါင်းရင်းမြစ်များ

2 SAMUELI 18:19

Nao Ahimaazi mwana wa Zadoku ukaghamba, “Lekenyi nikimbie nimghorie mzuri malagho, umanye kukaia Mlungu wameria kumkira na wamaiza wake.”

2 SAMUELI 18:28

Nao Ahimaazi ukakaia kimusi imbiri ya mzuri, ukamzera, “Ghose ghakaia nicha.” Ukaghoghoma hata ukadunga chongo chake andonyi, ukaghamba, “BWANA Mlungu wako ndekaso, uo wawifunya noko awo wandu werekoghe wamaiza wa bwana wapo mzuri.”

2 SAMUELI 18:30

Mzuri ukamzera, “Ghaluka na mbai kukaie kimusi aho.” Nao ukaghaluka na mbai, ukakaia kimusi.

ZABURI 58:10

Mhachi uchaboilwa kuwona kisasi chikilipwa, maghu ghake ghicharogha bagha ya wawiwi ukighenda.

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

WATANYI 5:31

“Huwo koni wamaiza wako ndewitote ee BWANA! Ela waghenyi wako ndewing'ale-ng'ale karakara na iruwa jibukagha kwa ndighi rake.” Nao isanga jikakaia na sere kwa miaka mirongo ina.