2 SAMUELI 18:24 - Biblia Ilagho Jiboie Kwa Wandu Wose

²⁴ Daudi orekoghe wasea kidombo ghadi na ghadi ya mbenge iwi. Mlindiri ukajokeria wurighenyi, hata mwambori wa ipaa ja mbenge; ukazighana na kummbona mndumu ukimbiagha uekeri.

2 SAMUELI 18:24 ပူးပေါင်းရင်းမြစ်များ

2 SAMUELI 13:34

Ela Absalomu ukakimbia. Nao uja mdawana orelindiagha mbenge, ukawona wandu wengi wikicha kufuma chia ya Horonaimu iko aluwarunyi lwa mghondi; ukamghoria mzuri.

2 SAMUELI 18:23

Nao ukaghamba, “Ijo jikaiagha ndejikaie, ini nichakimbia.” Niko Joabu ukamzera, “Kimbia.” Ahimaazi ukakimbia ukinugha chia ya wurindi, ukamuida uja Mkushi.

2 SAMUELI 18:25

Nao mlindiri ukammbanga mzuri ukamghoria; mzuri ukaghamba, “Ikakaia ooka uekeri, wadwae malagho ghedighoria.”

2 SAMUELI 18:4

Mzuri ukaghamba, “Nichabonya ijo jose mujiwonagha kukaia icha konyu.” Niko mzuri ukakaia kimusi mbai na mbai ya mbenge, ijeshi jose jikifuma kwa maghana na kwa maelfu.

2 SAMUELI 19:8

Niko mzuri ukawuka ukaghenda na kusea kidombo kaavui na mbenge ya muzi. Wandu wose wikaghorelwa kukaia, “Mzuri wacha na kusea kidombo kaavui na mbenge ya muzi.” Wandu wose wikacha na kukaia imbiri kwake. Waisraeli wose werekoghe wakimbia kula mundu cha nyumbenyi kwake.

1 SAMUELI 4:13

Uendavika, ukamkua Eli uko kidombo kifumbinyi kwake achienyi ukilangaria, kwa kukaia orengiriloghe ni wowa kwa wundu ghwa Sanduku ya Mlungu. Uja mundu ungia mzinyi na kughora agho malagho ghabonyeka, wandu wose wikawoka kulila.