2 SAMUELI 18:2 - Biblia Ilagho Jiboie Kwa Wandu Wose

² Ukaduma mafungu adadu; ifungu jimu jikaie aisi ya wulongozi ghwa Joabu na ifungu ja kawi jikaie aisi ya wulongozi ghwa Abishai mwana wa Seruia, mruna Joabu; na ifungu ja kadadu jikaie aisi ya wulongozi ghwa Itai, Mgiti. Mzuri ukawizera, “Hata nanimoni wori dighendanya wudenyi.”

2 SAMUELI 18:2 ပူးပေါင်းရင်းမြစ်များ

2 SAMUELI 17:11

Kwa huwo mawoni ghapo ni agha, Waisraeli wose wikwanyike chiaimweri a kwako, kufuma Dani hata Beer-sheba, wengi sa msangagha ghwa baharinyi, na oho kumoni kughendanye nawo wudenyi.

2 SAMUELI 21:17

Ela Abishai mwana wa Seruia, ukacha kumtesia Daudi, nao ukamkaba na kum'bwagha uja Mfilisti. Niko wandu wa Daudi wikamghemesha kukaia ndechaaghendanya nawo wudenyi sena, angu uo ni sa taa ya Israeli, icherima.

2 SAMUELI 23:18

Abishai mruna Joabu mwana wa Seruia, orekoghe m'baa wa vilongozi mirongo idadu. Ukawusa ifumu jake na kuwibwagha wandu maghana adadu; ukakupatira irina aghadi ya awo mirongo idadu.

2 SAMUELI 8:16

Joabu mwana wa Seruia ukakaia m'baa wa majeshi, na Jehoshafati mwana wa Ahiludi ukakaia karani;

1 WAZURI 2:28

Malagho ghiendamvikia Joabu, na angu oremteserieghe Adonija, hata ngera saki nderemteserieghe Absalomu, ukakimbia kwa ija Hema ya BWANA na kuriwadia mbembe ra madhabahu.

ZABURI 3:6

Maelfu gha wandu ghikanimara chia rose kulwa nani, sichaawiobua anduangi.

WATANYI 7:16

Ukawiwagha waja wandu maghana adadu mafungu adadu; ukawineka wose tarumbeta, chiaimweri na mitungi miduu iko na vilele andenyi.

WATANYI 7:19

Niko Gideoni na awo wandu ighana orekwanyeghe nawo, wikacha mpakenyi ghwa kambi kio ghadi nyuma ya kubadilishwa kwa ilindiri ja imbiri; nao wikakaba tarumbeta na kubara ija mitungi erekoghe mikonunyi kwawo.

WATANYI 9:43

Nao ukawada wandu wake na kuwiwagha mafungu adadu, wikawilaliria mbuwenyi. Hata iji orewiwonieghe wandu wikicha kufuma mzinyi, ukawiwukia na kuwibwagha.

1 SAMUELI 11:11

Nao nakesho yaro, Sauli ukawiwagha wandu mafungu adadu; wikaichea kambi ya Waamoni ndoe yalighisa kuela, wikawibwagha hata iruwa jikabia; na awo weresigharikieghe, wikakimbia kula mundu chia yake, kuseko na kunughana.